La vie en rose/ Ուրիշ պարեր

«LaVieEnRose/ՈւրիշՊարեր» ներկայացումը յուրաքանչյուրիս ինքնության և «ուրիշ» լինելու գաղափարի մասին է, որն համահունչ է մեր ներառական խմբի ստեղծագործական հետաքրքրությունների և «պարի» մասին մեր պատկերացումների հետ: Ինչպես և նախորդ «Մի լքիր ինձ» ներկայացման մեջ մենք անդրադարձել ենք խմբի բոլոր մասնակիցների մտորումներին և ապրումներին, մեր առօրյա կյանքի խնդիրներին:
«Ուրիշ» մոտեցում է ցուցաբերվել նաև ներկայացման խորեոգրաֆիան ստեղծելիս՝ այն իմպրովիզի և պարող արտիստների անմիջական մասնակցության արդյունքն է:
«LaVieEnRose/ՈւրիշՊարեր» ներկայացման մեջ, հաշմանդամություն ունեցող և չունեցող պարողներից բաղկացած մեր խումբը կբարձրացնի մի շարք հարցեր, որոնք վստահաբար անտարբեր չեն թողնի հանդիսատեսին:
Տոմսերի արժեքը՝ 2500 դրամ:

Տևողությունը՝ 50 րոպե
Լեզուն՝ հայերեն, (անգլերեն ենթագրերով)