Սիրահարված տաքսիստը

Կատակերգական ներկայացում , որտեղ հերոսները, անկախ իրենց կամքից, հայտնվում են ծիծաղելի իրավիճակներում և ավելի ծիծաղելի կերպով դուրս գալիս այդ իրավիճակներից: Գլխավոր հերոսը` Ջոն Սմիթը, ունի երկու կին, ովքեր ապրում են զուգահեռ փողոցներում: Նա խստորեն հետևում է կանանց այցելության իր գրաֆիկին, այնպես, որ երեք տարվա ընթացքում, ոչ մեկը, ոչ էլ մյուսը երբեք առիթ չեն ունեցել կասկածելու: Բայց մի օր հերոսը որոշում է ավազակներից փրկել մի տատիկի և, դժբախտաբար, ընթացքում գլխին հարված է ստանում կանացի պայուսակով: Գիշերվա ընթացքում նա հայտնվում է հիվանդանոցում , որտեղ տալիս է մի տան հասցեն և ոստիկանատանը, որտեղ էլ սխալմամբ տալիս է մյուս տան հասցեն: Առավոտյան, հայտնվելով գեղեցկուհի Մերիի գրկում, նա հասկանում է, որ խախտել է իր գրաֆիկը և, որ այժմ պետք է լիներ ոչ պակաս գեղեցկուհի Բարբարայի մոտ: Նա ամեն կերպ փորձում է շտկել այդ անհեթեթ իրավիճակը, սակայն ապարդյուն... Գործին խառնվում են ոստիկանությունն ու լրագրողները...