Դանիայի «ՄիդՎեստ» աղջիկների երգչախմբի համերգը Երևանում

Դանիայի թագավորությունում ՀՀ դեսպանության և «Հայ Փոքրիկ Երգիչներ» միջազգային ասոցիացիայի նախաձեռնությամբ, ՀՀ Մշակույթի նախարարության աջակցությամբ, հոկտեմբերի 10-16-ը, Հայոց Մեծ եղեռնի 100 ամյակին նվիրված միջոցառումների շրջանակում Հայաստան է այցելելու Դանիայի Յուլանդի շրջանի Հերնինգ քաղաքի «ՄիդՎեստ» աղջիկների երգչախումբը: Համերգային շրջագայությունը նվիրվում է դանիացի միսիոներներ` Մարիա Յակոբսենի և Քարեն Յեփփեի հիշատակին, ովքեր 1915թ. փրկեցին հազարավոր հայ երեխաների՝ հավաքագրելով նրանց մեկ որբանոցում:
Հոկտեմբերի 14-ին` ժամը 19:00-ին երգախումբը ելույթ կունենա Երևանի Կոմիտասի անվան Կամերային երաժշտության տանը: