Արարատ լեռան վերելքի նախապատրաստում

Հոկտեմբերի 16-ին` ժամը 12:30-ին Էօնում, «Հարթակ» փառատոնի շրջանակներում տեղի կունենա «Արարատ լեռան վերելքի նախապատրաստում, գույք, հանդերձանք» դասընթացը, որը կվարի Գևորգ Գասպարյանը:
Դասընթացի ժամանակ կլինի վերելքի համար անհրաժեշտ գույքի ցուցադրություն, կխոսվի վերելքի մանրամասների ու առանձնահատկությունների մասին:
Մուտքն ազատ է:
Գևորգ Գասպարյանը սովորել է ՀԱԱՀ-ի անասնաբուժական բժշկագիտության ֆակուլտետում` անասնաբույժ մասնագիտությամբ: 2009-ից զբաղվում է նաև տուրիզմով: 2011-ին գրանցել է Արևի զբոսաշրջային ընկերությունը, որը զբաղվում է արկածային տուրիզմով Հայաստանում, Վրաստաում, Արևմտյան Հայաստանում, Ռուսաստանում և այլուր: Ղեկավարում է խմբերը Արարատ լեռան վերելքի ժամանակ: