Սննդաբանություն / Nutrition

Հոկտեմբերի 17-ին` ժամը 13:00-ին ԷՕՆում «Հարթակ» փառատոնի շրջանակներում տեղի կունենա «Սննդաբանություն» դասընթացը, որը կվարի Նարինե Բաղդասարյանը:
Դասընթացի թեման առողջ ապրելակերպն է և օրգանիզմի մաքրումը: Ի՞նչ ազդեցություն է ունենում սնունդը մեր օրգանիզմի վրա և ինչպիսի՞ն են լինում հետևանքները: Ինչպե՞ս կառուցել օրը օրգանիզմը առողջացնելու նպատակով: Որո՞նք են լուսնային և արևային ուտելիքները, և ի՞նչ էներգետիկ փոփոխություններ են կատարվում օրգանիզմում դրանք կիրառելիս: Ինչպե՞ս է խցանվում օրգանիզմը թափոններով և ինչու է պետք այն մաքրել: Դասընթացին մասնակցելով` կստանաք այս բոլոր հարցերի պատասխանները:
Մուտքը՝ 1500 դրամ:
Հեռուստալրագրող Նարինե Բաղդասարյանը սկսել է զբաղվել յոգայով 17 տարեկանից: Այդ ժամանակահատվածում նա ոչ միայն ձեռք է բերել յոգայի վերաբերյալ շատ գիտելիքներ, այլև մասնակցել է տարբեր տեսական ու փորձառական թեյնինգների: Նա ուսումնասիրել է ճապոնական էներգետիկ տեխնիկան, որ կոչվում է Raiky` ձեռք բերելով այդ տեխնիկայի երրորդ մակարդակ, ինչը թույլ է տալիս, ճեղքելով ժամանակն ու տարածությունը, էներգետիկ օգնություն ցուցաբերել մարդկանց, անգամ եթե վերջիններս գտնվում են երկրից դուրս: Բացի այդ` Նարինե Բաղդասարյանը ուսումնառել է Նիքեթան աշրամում, որ գտնվում է Հնդկաստանի Իշքեշ քաղաքում՝ ուսումնասիրելով Pathangal յոգա: Լինելով Հայաստանի յոգայի ֆեդերացիայի սննդային կենտրոնի տնօրեն` Նարինեն հաճախ կազմակերպում է առողջ ապրելակերպի վերաբերյալ թրեյնինգներ, բուսակերության ուսուցողական խնջույքներ, յոգա-տուրեր ու վարպետության դասեր: