Սահմանամերձ գյուղը մենակ չէ

Տավուշ, Վազաշեն, 18 կմ սահման Ադրբեջանի հետ: Մարտական և «խաղաղության» զոհեր, 47% արտագաղթ, ռմբակոծված մանկապարտեզ, գործազրկություն: Այս տարի գյուղի դպրոցն ունեցել է 4 շրջանավարտ և 1 առաջին դասարանցի, սոցիալական փակուղի, հուսալքություն:
Այսպիսին է դրությունը Վազաշենում, իսկ սահմանամերձ այլ գյուղերում՝ երբեմն ավելի անմխիթար:
«Հայ Ձմեռ պապ» բարեգործական հիմնադրամը (www.haysanta.am) գործընկեր կազմակերպությունների հետ միասին մշակել է սահմանամերձ գյուղերը վերականգնելու համակողմանի ծրագիր:
Կներկայացվի հիմնադրամի ծրագիրը ինքնաբավ, կենսունակ համայնքի մոդել ստեղծելու վերաբերյալ:
Հրավիրվում են խնդրով շահագրգիռ անհատներ և կազմակերպություններ:
Ժամանակն է միավորելու մեր միտքն ու կարողությունները: Սահմանը կյանքի գնով պահող գյուղը պետք է զգա, որ ինքը մենակ չէ: