Դրամահավաք Անիի համար և հատուկ հյուրասիրություն ընկերների կողմից

Սիրելի պլատոնականներ, ծնված օրվանից ի վեր կյանքը մեզ շարունակ մատուցում է անակնկալներ, երբեմն դրանք հաճելի են, երբեմն` նույնիսկ դաժան, և ամեն անգամ նման պահերին ենք մենք հասկանում, թե որքան անկանխատեսելի է այն. Անին փայլուն ու ակտիվ մի աղջիկ է, ով ունի վարակիչ ժպիտ և ֆանտաստիկ մարդկային հատկանիշներ: Նրա մոտ բժիշկները ախտորոշել են բարձր ագրեսիվությամբ կրծքագեղձի քաղցկեղ և նրա ընկերներն անում են ամենը, որպեսզի օգնեն Անիին` հաղթահարել կյանքի այս բարդ փուլը, ինչպես հոգեբանորեն, այնպես էլ` իրենց ֆինանսական ներդրմամբ: Նույն ընկերները` Ժաննան, Տաթևը, Լիլիթը, Հասմիկը, Անուշը հրավիրում են բոլորին Պլատո` համտեսելու իրենց կողմից պատրաստված տարբեր տեսակի աղանդերները և երեկոյին կոչ անում յուրաքանչյուրին իր հանգանակությամբ օգնել Անիին: Ցանկացած լումա մեծ ազդեցություն և ճակատագրական կարող է լինել այս պարագայում: Պլատոն իր հերթին սիրով կհյուրասիրի մրգային գինի` բոլոր այցելուներին: Մուտքն ազատ է և հանգանակության չափը` ըստ ցանկության:
Մինչ հանդիպում: