Լիլի Կարապետյանի «Լեգենդար էմոցիաների նոտաները» ցուցահանդես

Դեկտեմբերի 20-ին` ժամը 17:00-ին, Մոսկվա կինոթատրոնում տեղի կունենա Լիլի Կարապետյանի «Լեգենդար էմոցիաների նոտաները» խորագրով գոբելենների ցուցահանդեսի բացումը: Ցուցադրությանը ներկայացված են լինելու հեղինակի 18 ստեղծագործությունները: Աշխատանքներում պատկերված են լեգենդար երաժիշտների դիմանկարներ, որոնք բացահայտում են, կամ գուցե և քողարկում նրանց ներաշխարհը էմոցիաների արտահայտման միջոցով: Արվեստագետը ցուցահանդեսին պատրաստվել է 5 տարի և Ամանորից առաջ որպես փոքրիկ նվեր հանձնում է երաժշտասեր և, առհասարակ, արվեստասեր հասարակության դատին: Ցուցահանդեսը բաց կլինի բոլորի համար մինչ դեկտեմբերի 23-ը: