2015 թվականը կանանց իրավունքների իրացման ու պաշտպանության տեսանկյունից

Ինչպիսի՞ն էր 2015 թվականը կանանց իրավունքների իրացման ու պաշտպանության տեսանկյունից: Ամփոփում ենք տարին, որը լի էր հակամարտություններով: Իսկ համընդհանուր միլիտարիզացիան խաթարում է աշխարհի բնականոն ընթացքն ու հարվածում առաջին հերթին խոցելի խմբերին: Կանայք ևս դառնում են անպաշտպան, և համընդհանուր հումանիտար ճգնաժամի պայմաններում՝ կանանց իրավունքներին վերաբերող խնդիրները մղվում են լուսանցք: Նաև՝ զինված հակամարտությունների խաղաղ կարգավորման ճանապարհները նեղանում, դառնում են անանցանելի, իսկ այդ գործընթացներում կանանց ներգրավման փորձերը անհաջողության են մատնվում: Հետզհետե փոքրանում է քաղաքականության մեջ կանանց ներգրավվածությունը: Վերջին ՏԻմ ընտրություններին Հայաստանում մասնակցել է ընդամենը երկու կին: Ինչպե՞ս դիմակայել հետագա զարգացումներին, ինչպե՞ս կազմակերպել իրավապաշտպան գործունեությունն ու մեծացնել կանանց ներգրավվածությունը քաղաքական գործընթացներին: Ինչպե՞ս հասնել հավասար մասնակցության, որն էլ կբերի կայուն զարգացման ու խաղաղության հաստատման աշխարհում: Մենք 2016 թվականի նախաշեմին ենք: Այս հարցերը կարևոր են ու համամարդկային: Միևնույն ժամանակ սուր արտահայտված են մեր երկրում: Փորձենք անել քալյ, դեպի արդար,ազատ, հավասար, համերաշխ, սոլիդար ու հոգատար հասարակություն:
Միացե՛ք հանդիպում-քննարկմանը: