Ամեն մարդ պետք է լինի սեփականատեր ! Յուրաքանչյուրին ամսական 800 եվրո, անկախ նրա զբաղվածությունից!

"Talks" խումբը և Studio 20-ը հրավիրում են Արման Գրիգորյանի զեկույց-քննարկմանը.
Ամեն մարդ պետք է լինի սեփականատեր! Յուրաքանչյուրին ամսական 800 եվրո, անկախ նրա զբաղվածությունից!

Մենք ունենալով պատմական մեծ փորձ սկսած արխայիկ համայնքներից, անտիկ քաղաքների, քրիստոնեական պետության ապա նաև կոմունիստական հասարակություն կառուցելու առումով նաև հիմնվելով բազմաթիվ այլ երկրներում կատարված կրոնական-պետությունների և սոցիալիստական-կոմունիստական էքսպերիմենտներից ստացված արդյունքների վրա, կարող ենք պնդել, որ ցանկացած «կոլեկտիվիստական» բարոյականություն միայն տեսականորեն է համընդհանուր, իսկ գործնական կիրառության մեջ այն երբեք չի տարածվում բոլոր մարդկանց վրա հավասարապես: Ավելին, հենց մեր սովետական անցիալն ապացուցում է, որ երբ նպատակ է հռչակվում համայնքի անդամների կողմից բոլորի վրա վերահսկողություն, ստուգումներ ու հաշվարկ իրականացնելու միջոցով, բոլոր որոշումները կոլեկտիվի կողմից համաձայնեցնելու ճանապարհով «մասնավոր սեփականության» վերացումը, հողի ու արդյունաբերության ազգայնացումը, ամենինչ պետական սեփականություն հռչակելը, հանգեցնում է նրան, որ նրանք, ովքեր մասնագիացած են հսկելու և պատժելու գործառույթ իրականացնելու մեջ, հեշտությամբ օգտագործելով ցանկացած չնչին առիթ, վեր են ածվում իշխողների դասակարգի, հրաժարվելով համընդհանուր բարոյական նորմերից և դիտարկելով, ապա նաև պրակտիկորեն շահագործելով, «կոլեկտիվիստական արժեքներով» խաբված հասարակության մնացած անդամներին: Ապա և փաստացի վերականգնելով մինչբուրժուական հիերարխիկ հասարակական կառուցվածքները: Նշենք, որ ուրիշներին սեփականացնելու այս գործողությունը երբեք կամավոր չէ, այն միշտ ուղեկցվում է բռնությամբ և ագրեսիայով: Միակ համընդհանուր բարոյականությունը, որը կարող է գոյություն ունենալ հիմնված պետք է լինել միակ և բացարձակ սկզբունքի վրա, որ ամեն մարդ պատկանում է ինքն իրեն, նա իր մարմնի և մտքի տերն է: Մարդը ինքն իր սեփականությունն է: Այսօր անհատի ինքնիշխանության կողմնակիցների և կոլեկտիվիստական բարոյականության ջատագովների միջև հակմարտությունը սրվել է այն աստիճան, որ որոշ քաղաքական վերլուծաբաններ շտապում են այն որակել իբրև համաշխարհային պատերազմ: