Մարդու իրավունքներին նվիրված պաստառի մրցույթ

ՄԱԿ-ի մարդու իրավունքների գերագույն հանձնակատարի գրասենյակը (կենտրոնակայանը Ժնև) 2015թ. դեկտեմբերի 10-ից մինչև 2016 թ. դեկտեմբերի 10-ը հայտարարել է մարդու իրավունքների զույգ դաշնագրերի 50 ամյակի տարի։
Այդ կապակցությամբ հայտարարվել է դպրոցականների նկարած պաստառների համաշխարհային մրցույթ։
ՄԱԿ-ի հանրային տեղեկատվության վարչության երևանյան գրասենյակը միանալով այդ նախաձեռնությանը, օգնելու է ձեզ մասնակցել այդ համաշխարհային մրցույթին։
Նպատակը.
Ազատություն խորհրդանշող պաստառի մրցույթը նպատակ ունի դպրոցական տարիքի երեխաներին հնարավորություն ընձեռել ստեղծելու պաստառ, որը կօգտագործվի երկու դաշնագրերի քարոզարշավի համար: Դաշնագրերն են.
•Տնտեսական, սոցիալական և մշակութային իրավունքների մասին միջազգային դաշնագիր
•Քաղաքացիական և քաղաքական իրավունքների մասին միջազգային դաշնագիր
--> Կարգախոսը.
Մարդու իրավունքների միջազգային օրինաշարը, որը բաղկացած է Մարդու իրավունքների համընդհանուր հռչակագրից ու վերոնշյալ երկու դաշնագրերից, մշակվել է որպես «բոլոր ժողովուրդների ու ազգերի կողմից նվաճվելիք ընդհանուր մի չափանիշ»: Դա մարդկության պատմության մեջ փաստաթղթերի առաջին փաթեթն է, որ մեկնաբանում է այն հիմնական քաղաքացիական, քաղաքական, տնտեսական, սոցիալական եւ մշակութային իրավունքները, որով պիտի օժտվեն բոլոր մարդիկ:
Պաստառները պետք է արտացոլեն Մարդու իրավունքների միջազգային օրինաշարի և երկու դաշնագրերի հետևյալ հիմնարար արժեքները. «Բոլոր մարդիկ ծնվում են ազատ ու հավասար՝ իրենց արժանապատվությամբ և իրավունքներով: Նրանք օժտված են բանականությամբ ու խղճով և պարտավոր են միմյանց վերաբերվել եղբայրության ոգով»:
Այն 4 հիմնարար ազատությունները, որ մարդու իրավունքների հիմնասյունն են հանդիսանում, հետևյալն են՝ վախից զերծ լինելու ազատություն, կարիքից զերծ լինելու ազատություն, սեփական կարծիք ունենալու և արտահայտելու ազատություն, մտքի, խղճի և դավանանքի ազատություն: Ի հավելումն, այլ ազատությունների թվին են դասվում աշխատանքի, բավարար կենսամակարդակի, շարժման և օրենքի առաջ բոլոր մարդկանց հավասարության իրավունքները:
--> Ովքե՞ր կարող են մասնակցել մրցույթին
Մրցույթին կարող են մասնակցել.
•Տարրական դպրոցի աշակերտներ (5-11 տարեկան)
•Միջնակարգ դպրոցի աշակերտներ (12-18 տարեկան)
Յուրաքանչյուր տարիքային խմբից ընտրվելու է մեկ հաղթող:
Մրցույթը բաց է բոլոր դպրոցների, այդ թվում, մասնագիտական ուսումնական հաստատությունների ու հատուկ դպրոցների աշակերտների համար:
--> Մասնակցության ուղեցույց
Մրցույթը կանցկացվի երկու փուլով.
•Առաջին փուլ
Մրցույթը Հայաստանում կազմակերպում է ՄԱԿ-ի հանրային տեղեկատվության վարչության (ՀՏՎ) երևանյան գրասենյակը: Հայտերի ընդունման վերջնաժամկետը 2016 թվականի փետրվարի 15-ն է, որից հետո երևանյան ժյուրին կընտրի երկու հաղթողների՝ յուրաքանչյուր տարիքային խմբից մեկ հոգու:
•Երկրորդ փուլ
ՄԱԿ-ի ՀՏՎ հայաստանյան գրասենյակը հաղթող հայտերը էլեկտրոնային փոստով կուղարկի Ժնևում գտնվող Մարդու իրավունքների հարցերով գերագույն հանձնակատարի կենտրոնական գրասենյակ, վերջնաժամկետն է ս. թ. փետրվարի 19-ը:
Այնուհետև, Ժնևյան ժյուրին կընտրի երկու գլոբալ հաղթողներին: Հաղթողների անունները կհայտարարվեն Տնտեսական, սոցիալական և մշակութային իրավունքների մասին և Քաղաքացիական և քաղաքական իրավունքների մասին միջազգային դաշնագրերի կոմիտեների համատեղ հանդիպմանը, որը տեղի կունենա սույն թվականի մարտ ամսին:
--> Ընտրության չափանիշներ
Հայտերը կընտրվեն թեմայի սեփական մեկնաբանության և աշխատանքների ստեղծագործական լինելու, ինքնատիպության և ստեղծած տպավորության հիման վրա: Սա ժյուրիի համար ոչ սպառիչ չափորոշիչ է:
--> Մրցանակ
Տեղական մակարդակով հաղթող ճանաչված աշխատանքները ըստ արժանվույն կգնահատվեն տեղում, մինչդեռ գլոբալ մակարդակով հաղթող աշխատանքները կտպագրվեն ու կտարածվեն «Մեր իրավունքները։ Մեր ազատությունները։ Ընդմիշտ։» քարոզարշավի շրջանակներում:
Դրանք կարող են օգտագործվել նաև որպես հաղորդակցության նյութեր, պատկերազարդման նպատակով օգտագործվելիք միջոցներ և այլն:
Բացի այդ, բոլոր մասնակիցների աշխատանքները կընդգրկվեն առցանց պատկերասրահում, համապատասխանաբար և՛ տեղական, և՛ միջազգային կայքերում։
--> Ընդհանուր կանոններ
1.Յուրաքանչյուր մասնակից կարող է միայն մեկ հայտ ներկայացնել: Աշխատանքը պետք է արված լինի միայն տվյալ մասնակցի կողմից, ոչ թե ուրիշ աշակերտի, ուսուցչի, ծնողի, խնամակալի կամ այլ դեռահաս անձի հետ համատեղ ջանքերով: Աշխատանքները պետք է լինեն բնօրինակ` ցուցադրված, ներկայացված կամ ընդունված չլինելով որևէ այլ մրցույթում:
2.Հայտերը կարող են ներկայացվել.
ա.թվային ձևաչափով` համակարգչով նկարված – TIFF, JPEG, PNG ձևաչափի, թվային բարձր թույլատրելիությամբ (150-300 dpi): Հայտերը ֆայլերի տեսքով, դիմումի լրացրած ձևի հետ պետք է ուղարկել uno.yerevan@unic.org էլեկտրոնային փոստի հասցեին, վերնագրված՝ «Մարդու իրավունքների պաստառի մրցույթի հայտ. անուն ազգանուն ----------»
բ.թվայնացված տարբերակով` նկարը տեսածրած (սքան արված) TIFF, JPEG, PNG ձևաչափի, թվային բարձր թույլատրելիությամբ (150-300 dpi)։ Հայտերը ֆայլերի տեսքով, դիմումի լրացրած ձևի հետ պետք է ուղարկել uno.yerevan@unic.org էլեկտրոնային փոստի հասցեին, վերնագրված՝ «Մարդու իրավունքների պաստառի մրցույթի հայտ. անուն ազգանուն ----------»
գ.թղթային տարբերակով։ Այս նկարները պետք է փոստով ուղարկել ՄԱԿ-ի հայաստանյան գրասենյակ` Պետրոս Ադամյան 14, Երևան 0010 հասցեով: Խորհուրդ է տրվում հայտերը ուղարկել հնարավորինս շուտ` ժամանակային սղությունից ելնելով:
3.Հայտերը չպետք է պատկերեն որևէ կոնկրետ կազմակերպություն, ապրանքանիշ կամ որևէ անձի:
4.Հայտերը կարող են լինել ցանկացած չափի: Բոլոր տեսակի ներկեր, գույներ ու ոճեր թույլատրվում են:
5.Բոլոր հայտերը պիտի ներառեն կցված հայտադիմումի ձևը
6.Փետրվարի 15-ից ուշ ստացված հայտերը չեն ընդունվի զուտ ժամանակային առումով:
--> Օգտակար հղումներ
•Մարդու իրավունքների համընդհանուր հռչակագիր http://un.am/up/file/Universal%20Declaration%20of%20Human%20Rights_official%20translation.pdf
•Տնտեսական, սոցիալական և մշակութային իրավունքների մասին միջազգային դաշնագիր
http://un.am/res/UN%20Treaties/III_3.pdf
•Քաղաքացիական և քաղաքական իրավունքների մասին միջազգային դաշնագիր
http://un.am/up/file/III_4.pdf
•Մարդու իրավունքների համընդհանուր հռչակագիրը պատկերազարդ (համառոտ տարբերակ) http://www.un.am/up/library/UDHR%20in%20Brief_arm.pdf
•Մարդու իրավունքների համընդհանուր հռչակագիր (Պաստառ) http://www.un.am/en/virtual-library#sthash.ILZPsCWi.dpuf
•Учебно-образовательные материалы: Образование в области прав человека
http://www.ohchr.org/RU/PublicationsResources/Pages/TrainingEducation.aspx
•Международное право в области прав человека
http://www.ohchr.org/ru/ProfessionalInterest/Pages/InternationalLaw.aspx
•The Convenants (with Armenian Subtitles) https://www.youtube.com/watch?v=jF703RQNHGI&list=PLmkq9ega4KMf6Iv44M0ikwcyb6QE420ry&index=5
•What is a human right/Ի՞նչ է մարդու իրավունքը
https://www.youtube.com/watch?v=ZhcXlOtrENQ&list=PLmkq9ega4KMf6Iv44M0ikwcyb6QE420ry&index=12
•Մարդու իրավունքների համընդհանուր պատկերազարդ հռչակագիր
https://www.youtube.com/watch?v=w98PQhWCUqg&list=PLmkq9ega4KMf6Iv44M0ikwcyb6QE420ry&index=15