Ժամանակ չգտնելու ժամանակ: Արվեստ և տնտեսութուն

"Talks" խումբը և Studio 20-ը հունվարի 23-ին, 17:00-ին հրավիրում են Նազարեթ Կարոյանի բանախոսությանը:
Սոցիալական գործունեությունների դաշտում գոյություն ունեցող բոլոր պրակտիկաները գտնվում են շարունակական փոխանակությունների և փոխազդեցությունների մեջ։ Հարաբերությունների թանձրությունը գիտության, կրոնի, քաղաքականության, արվեստի, տնտեսական գործունեությունների միջև բերում է հետևանքներ, որոնք անճանաչելի փոխոփոխություններ են առաջացնում այդ գործունեությունների բնորոշ արտադրական բովանդակությունների ներսում։ Դիցուք փոխհարաբերությունը արվեստի և տնտեսական գործունեության միջև։ Արդեն քսաներորդ դարի երկրորդ կեսից սկսած գրեթե ամենուրեք տեսնում ենք, թե ինչպես է արտադրական գործունեության համար արտադրանքի փաթեթավորումը, այսինքն պատկերային խորհրդանշական կողմը դարձել գլխավոր մտահոգություն։ Թե ինչպես են արվեստն ու արվեստագետն էլ, իրենց հերթին, սկսել են ամբողջովին տոգորվել կազմակերպական ու կառավարման խնդիրներով...
Նազարեթ Կարոյանը իր բանախոսության մեջ այսօրվա դիրքերից կվերանայի իր դեռևս 2007 ին հրապարակած, բայց այդպես էլ, կարելի է ասել գրեթե անհայտ «Ժամանակ չունենալու ժամանակ։ Արվեստը իբրև գոյաբանական հնարք» խորագրով էսսեն։ Սոցիալ քաղաքական և էկզիստենցիալ առումով ի՞նչ է նշանակում՝ ժամանակը կազմակերպելու արվեստի ստանձնած հոգսը, և ինչպե՞ս կարելի է այն հասկանալ այսօր: