Գարնանային դասընթացներ. Պատկերի նշանագիտական վերլուծություն
Վարող՝ Հրաչ Բայադյան
Դասընթացի անվանումը՝ պատկերի նշանագիտական վերլուծություն
Դասընթացի ծավալը ՝ 8 դասախոսություն-պարապմունք
Գինը՝ 28 000 ՀՀ Դրամ
Մասնակցության գրանցումը՝ մարտի 14-ին,ժ 19:00 -21-00
Վայրը՝ ժամանակակից արվեստի ինստիտուտ,Ֆիզկուլտուրնիկների 48, Այգեստան թաղ.
Մանրամասների համար զանգահարել մեզ:
Նկարագրությունը՝ ժամանակակից հասարակությունները տիրապետված են, կարելի է ասել՝ հիվանդ են պատկերով։ Այսօր հաղորդակցությունը մեծապես միջնորդված է պատկերով, եւ մշակութային պրակտիկաներն էլ ավելի ու ավելի մեծ չափով են ապավինում պատկերին։ Մշակույթի հարաճուն տեսողականացման հետեւանքներից մեկը լեզվի (առաջին հերթին՝ տպագրության դարաշրջանում ձեւավորված գրական լեզվի) հաստատուն նահանջն է՝ մեծ խնդիր փոքր մշակույթների համար։
Պատկերների ստեղծումը, վերարտադրությունը, պահպանումը եւ շրջանառությունը ապահովող տեխնոլոգիաների առատությունն ու մատչելիությունը վկայակոչելը բավարար չէ պատկերի այս ամենահասությունը բացատրելու համար։ Վալտեր Բենյամինը նկարագրում էր 1820-ականներին Փարիզում առաջ եկող առեւտրային պասաժները որպես «երազային լանդշաֆթներ», որոնց տեսողական հմայքը ապրանքների սպառման կարեւոր խթանն էր։ (Հավանաբար նման փորձառություն 1990-ականներին կարող էին ունենալ առաջին երեւանյան տոնավաճառների այցելուները։) Գովազդի պատմությունը վկայում է տեքստի նկատմամբ պատկերի մեծացող տիրապետության, ինչպես նաեւ գովազդային պատկերի աճող էսթետիկականացման ու գրավչության մասին։ Սպառողականությունը կենդանի պահելու համար գովազդային պատկերը պետք է ունենա նաեւ մշակութային սահմանները անցնող, գլոբալորեն ճանաչելի «բառարան» ու «շարահյուսություն»։ Եւ այս բառարանի կարեւոր միավորները անդրազգային կորպորացիաների ապրանքանիշներն են՝ ծանրակշիռ փաստարկ գլոբալ հաղորդակցության տեսողականացման օգտին։
Դասընթացում համառոտ ձեւով կքննարկվեն լուսանկարչական պատկերի որոշ մշակութային եւ գաղափարաբանական ասպեկտներ, մշակույթի տեսողականացման հարցը եւ պատկերի դերը մշակութային գլոբալացման ընթացքի մեջ։
Կներկայացվեն նշանագիտության (սեմիոտիկա) հիմնական տարրերը եւ այդ միջոցների կիրառության հնարավորությունը պատկերների վերլուծության մեջ (պատկերը՝ որպես տեքստ)։
Կտրվեն գովազդային պատկերների եւ լուսանկարների նշանագիտական վերլուծություն օրինակներ։
Հրաչ Բայադյանը մշակութային քննադատ է, Երեւանի պետական համալսարանի դասախոս։ Նա ղեկավարում է «Հաղորդակցություն, մեդիա եւ հասարակություն» մագիստրոսական ծրագիրը Ժուռնալիստիկայի ֆակուլտետում եւ, ի թիվս այլ դասընթացների, դասավանդում «Մեդիայի եւ մշակութային ուսումնասիրություններ» (Media and Cultural Studies)։ Նրա վերջին տարիների հոդվածները վերաբերում են ետխորհրդային մեդիամշակույթին եւ քաղաքային տարածության փոփոխություններին, ռուսական-խորհրդային օրիենտալիզմին, ետգաղութատիրության եւ հայկական մշակութային ինքնության հարցերին։
Հրաչ Բայադյան. Գաղութային դիսկուրսի վերլուծություն
Առաքումն անվճար է: Վճարումը կատարվում է առաքման ժամանակ:
Հարցերի կամ խնդիրների դեպքում զանգահարեք՝ 060 276 000:
Հարցերի կամ խնդիրների դեպքում զանգահարեք՝ 060 276 000:
Կարմիր Գլխարկի և Կանաչ Վիշա...
Կ. Ստանիսլավսկու անվան դրամատիկական թատրոն
Երաժշտական հեքիաթ-ներկայացում (մյուզիքլ)
Ս.Պրոկոֆև «Ռոմեո և Ջուլիետ»
Ա. Սպենդիարյանի անվան օպերայի և բալետի ազգային ...
Տոմսերի արժեքը՝ 5000-20000 դրամ