Ֆիլմի ժամ. Արևմտյան Բեյրութ

Փետրվարի 27-ին ԷՕՆը հրավիրում է բոլորին «Արևմտյան Բեյրութ» ֆիլմի դիտմանը:
1975-ի ապրիլին քաղացիական պատերազմը բաժանում է Բեյրութը արևելյան և արևմտյան մասերի՝ քրիստոնյաների և մուսուլմանների: Երբ ստեղծվում է պատնեշը, Թարեքը՝ մի մուսուլման դպրոցական տղա, մնում է մուսուլմանական՝ Արևմտյան Բեյրությում: Նա իր ընկերոջ՝ Օմարի հետ Super 8 խցիկով կարճ ֆիլմեր է նկարահանում, լսում Փոլ Անկայի երգերը: Սկզբում պատերազմը զվարճալի է. դպրոցը փակ է (մնացել է Արևելյան Բեյրութում, որը մուսուլմաններին այլևս հասանելի չէ), բռնությունը գրավիչ է, արևելքից արևմուտք հասնելը՝ խաղ: Մի օր Թարեքը Օմարի և իրենց հետ ընկերացած մի որբ քրիստոնյա աղջկա՝ Մայի հետ միասին հայտնվում են Արևելյան Բեյրությում և անցնում մի բարդ ու վտանգավոր փորձության միջով՝ գիտակցելով, որ պատերազմն այլևս արկած չէ, այլև ազգային ողբերգություն:
Տևողությունը՝ 105 րոպե
Լեզուն՝ արաբերեն, անգլերեն ենթագրերով:
Մուտքը՝ 1000 դրամ (ներառյալ թեյ, սուրճ, քաղցրավենիք, փոփ-քորն):