Լա Բոհեմ

Պուչինի «Բոհեմ» օպերա 4 գործողությամբ (թատերականացված համերգային կատարում)
Հայաստանի Ազգային ֆիլհարմոնիկ նվագախումբը հուլիսի 19-ին և 22-ին՝ ժամը 19-ին, օպերային արվեստի սիրահարներին հրավիրում է Արամ Խաչատրյան համերգասրահում՝վայելելու Ջակոմո Պուչինիի «Բոհեմ» անզուգական օպերայի բեմականացված համերգային կատարումը:
Հուլիսի 12-ին Ֆիլհարմոնիկը կներկայանա շատ պատվաբեր Ռուսաստանի Սանկտ Պետերբուրգ քաղաքի «Սպիտակ գիշերների աստղերը» փառատոնի շրջանակում: Մարիինյան թատրոնի բեմում կներկայացվեն Բեռլիոզի Ֆանտաստիկական սիմֆոնիան, Խաչատրյանի Ջութակի կոնցերտը՝ Անուշ Նիկողոսյանի մենակատարությամբ: Վերադարձից հետո Ֆիլհարմոնիկը կսկսի Պուչինիի «Բոհեմ» օպերայի համերգային կատարման փորձերը: Այս տարի երկրորդ անգամ ներկայացվող օպերայի վերջին երկու ներկայացումները նշանակված են հուլիսի 19-ին և 22-ին: Դերերգերով հանդես կգան Հրաչուհի Բազենցը, Անի Յորենցը, Լիպարիտ Ավետիսյանը, Դավիթ Բաբայանցը, Հասմիկ Թորոսյանը, Գուրգեն Բավեյանը, Լեոնարդ Բերնադը, Սարգիս Բաժբեուկ-Մելիքյանը և Հովհաննես Ներսեսյանը:
Տոմսերի արժեքը՝ 2000, 3000, 4000, 5000, 6000, 8000, 10.000 ՀՀ դրամ