Եվրոպական մոդեռնիզմի ու ամերիկյան ավանգարդի մեջտեղում. Արշիլ Գորկու "Գայթակղիչի օրագիրը"

Ո՞րն է Արշիլ Գորկու այն աշխատանքը, որը հիմնադրեց ամերիկյան “ազգային աբստրակտ” գեղանկարչությունը:
Արշիլ Գորկու ներկայիս տեղակայումը արվեստի պատմության մեջ մեծամասամբ ամերիկյան մոդեռնիստական քննադատության հետևանք է: Այն տեղակայում է Գորկուն “մեջտեղում”, որպես կամուրջ՝ եվրոպական մոդեռնիզմի և ամերիկյան ավանգարդի միջև:
Հրավիրում ենք բոլորին ներկա գտնվելու հատուկ հանդիպման, որի ընթացքում կներկայացվի ամերիկյան ավանգարդի երկփուլ կայացման պատմությունը` հիմնվելով Արշիլ Գորկու միայն մեկ կտավի ուսումնասիրության վրա:
“Գայթակղիչի օրագիրը” գեղարվեստական նշանների կամուրջ է, որը կապում է եվրոպական մոդեռնիզմը ամերիկյան ավանգարդի հետ: Մասնավորապես սա վերաբերվում է “Գունային դաշտի” գեղանկարչությանը և հետ-գեղանկարչական աբստրակցիային: Այս կապի ուսումնասիրության ընթացքում կբացահայտվի, թե ինչու ամերիկյան մոդեռնիստական քննադատության կարևորագույն դեմքերը, մասնավորապես՝ Քլեմենտ Գրինբերգն ու Հարոլդ Ռոզենբերգը, կտրուկ փոխեցին իրենց քննադատական հայացքները:
Դասախոսությունը կվարի արվեստի քննադատ, արվեստագիտության թեկնածու, Երևանի Գեղարվեստի պետական ակադեմիայի ավագ դասախոս Աննա Գալստյանը: