Կինոդիտում. Ռոք՛ն՛Ռոլլա / Movie Screening. RocknRolla

Սիրելի՛ ԷՕՆցիներ, շտապում ենք ձեզ տեղեկացնել, որ մարտի 31-ին՝ ժամը 19:30-ին, ձեր ամենասիրելի վայրում տեղի կունենա Գայ Րիչիի լավագույն ֆիլմերից մեկի՝ Ռոք’Ն’Ռոլլայի ցուցադրությունը:
Ովքեր դեռ չեն հասցրել դիտել այն, կստանան հնարավորություն դիտել, իսկ ովքեր տեսել են, հաստատ անտարբեր չեն անցել այդ ֆիլմի կողքով և կունենան հնարավորություն կրկին անգամ դիտել այն մեծ էկրանով՝ ԷՕՆային ջերմ մթնոլորտում:
Դերասանական կազմում կան այնպիսի դերասաններ, ինչպիսիք են՝ Ջերարդ Բաթլերը, Թոմ Հարդին, Մարկ Ստրոնգը և այլոք:
Ֆիլմը պատմում է քրեական թափթփուկների կյանքի մասին, ովքեր իրենց գործունեությունն են ծավալում Լոնդունում՝ մի վայր, որտեղ անշարժ գույքի շուկան արդեն դուրս է մղել թմրանյութերի շուկան, ամենաակտիվ ձեռներեցները հանցագործներն են, իսկ բոլոր նրանք, ովքեր ուզում են մասնակցել այս փողային մրցավազքին, պետք է նախևառաջ պայմանավորվեն առեղծվածային Լեննի Քոուլի հետ:
Մուտքը՝ 1,000 ՀՀ դրամ (ներառյալ թեյ, սուրճ, քաղցրավենիք և ադի բուդի):
Տևողությունը՝ 114 րոպե:
Լեզուն՝ անգլերեն, ռուսերեն ենթագրերով կամ ռուսերեն՝ անգլերեն ենթագրերով: