Հաջողության մասին՝ գիտելիքի բանաձևով․ հանդիպումների շարք «Լույսի» կրթաթոշակառուների հետ
Միքայել Միրզոյան
Այլ
Luys Foundation-ը և #LOFT-ը նախաձեռնում են եզակի ձևաչափով հանդիպումների շարք` աշխարհի լավագույն համալսարաններում սովորող հայ երիտասարդների հետ, ովքեր կներկայացնեն իրենց անցած ուղին, կպատմեն ձախողումների ու հաջողությունների մասին և ունեցած ձեռքբերումներով կոգեշնչեն ներկաներին:
Սիրով հրավիրում ենք` մասնակցելու նախագծի շրջանակում առաջին հանդիպմանը, որը տեղի կունենա «Լույսի» կրթաթոշակառու, Լոնդոնի համալսարանական քոլեջի ուսանող Միքայել Միրզոյանի հետ ապրիլի 3-ին՝ կիրակի օրը, ժամը 18:00-ին, LOFT-ում (Մոսկովյան 3):
Մուտքը՝ 2000 դրամ (ներառյալ սուրճ, թեյ, քաղցրավենիք):
————————————————————————
(Միքայել Միրզոյան) Սիրում է ընտանիքը, երկիրն ու աշխատանքը:
Կարդում է Էնդի Ուիրի «Մարսեցին» վեպը:
Երազում է խաղաղության մասին:
Միքայելը համակարգչային գիտության և տեղեկատվական տեխնոլոգիաների ոլորտում հարուստ գիտելիքներ է ձեռք բերել հայրենիքում, այնուհետ խորացրել իմացությունը հասարակական գիտությունների բնագավառում՝ Շվեդիայի Լունդի համալսարանում սովորելով «Զարգացման հասարակագիտություն» ծրագրով: Լոնդոնի համալսարանական քոլեջում Միքայելն ուսումնասիրում է հաշվողական վիճակագրություն և մեքենայական ուսուցում:
