Դու` որպես «բրենդ»․ Networking, Interviews, LinkedIn, Cover․ CV

Եթե Դուք դեռ կարծում եք, որ Հայաստանում աշխատանքի ընդունվելը պայմանավորված է «ծանոթ, բարեկամ» ու նմանատիպ տխուր, կարծրացած փաստերով, ուրեմն պարզապես մի շարունակեք կարդալ։
Իսկ եթե կիսում եք այն տեսակետը, որ ներկայումս մենք գործ ունենք մրցակցությամբ, պրոֆեսիոնալ մասնագետներով լի աշխատաշուկայի և նրա պահանջների հետ, ուրեմն սպասում ենք Ձեզ մեզ մոտ՝ ապրիլի 21-ին Լոֆթ HR ակումբում։
Քննարկելու ենք.
● Ի՞նչ է բրենդը և իմիջը, դրանց ստեղծման ուղին (self branding)
● Ինչպե՞ս ենք մենք մեզ ընկալում (self image)
● Ինչպե՞ս են մեզ ընկալում (social image)
● Հարցազրույցների ընթացքում ճիշտ ինքնաներկայանալը
● LinkedIn-ն ու Facebook-ը, վերջիններիս կարևորությունն աշխատանք փնտրելիս
● Networking-ը որպես սեփական բրենդի ամրապնդման գործիք
Ավելի մանրամասն․
Լոֆթ HR ակումբի պատասխանատու, Joomag ընկերության Talent Specialist Անի Մարգարյանը կանդրադառնա անձի բրենդի և իմիջի ճիշտ ձևավորմանը, իմիջի հոգեբանական առանձնահատկություններին, դիրքայնացմանը և մատուցմանն աշխատաշուկայում:
Հանդիպման հրավիրյալ հյուր Նունե Արզումանյանը, ով վերջին տարիներին մասնագիտանացել է մարքեթինգի, բիզնեսի հոգեբանության և նրբությունների մեջ, կխոսի անձանց բրենդի ձևավորման եղանակների, արդյունավետության և անհրաժեշտության մասին` վիրտուալ տիրույթում:
Հանդիպման վերջում մասնակիցներին կտրամադրվի գործնական ուղեցույց ազդեցիկ Cover letter և CV կազմելու մասին։
Մուտքավճար՝ 1500 դրամ: