«Մաշան եւ երեք արջերը». հեքիաթներ ճամպրուկից

Օլօլօ շարժական տիկնիկային թատրոնը եւ ՏաՏան շարունակում են ներկայացնել «Հեքիաթներ ճամպրուկից» շարքը: Այս կախարդական ճամպրուկը եղել է աշխարհի գրեթե բոլոր անկյուններում ու ձեզ համար բազմաթիվ հեքիաթներ է բերել: Բավական է բացել այն, ասել կախարդական խոսքերը եւ հեքիաթները իրենք իրենց դուրս կսողան ճամպրուկից:
Այս անգամ Մանանն ու Անին կպատմեն ռուսական «Մաշան եւ երեք արջերը» հեքիաթը: Հերթով կփորձենք մեծ, միջին և փոքր աթոռները, հետո կհամտեսենք արջային ճաշերը, իսկ վերջում կքնենք արջերի մահճակալներում: Նախագիծը ինտերակտիվ է. երեխաները կմասնակցեն հեքիաթի ստեղծմանը եւ զարգացմանը, իրենք կպատրաստեն հեքիաթի հերոսներին, կօգնեն հաղթահարել դժվարությունները, կերգեն հերոսների հետ:
Նախորդ երկու ամիսների ընթացքում ճամպրուկից դուրս եկող հեքիաթները սիրելի են դարձել բազմաթիվ երեխաների համար, նրանցից շատերն արդեն մի քանի ներկայացում են հասցրել դիտել: Այդ պատճառով ՏաՏան ու Օլօլօն միասին որոշել են նվերներ բաժանել հավատարիմ փոքրիկներին. ապրիլից սկսած՝ մեկ ամսվա ընթացքում ցանկացած երկու ներկայացում դիտելուց հետո երրորդին կարող եք մասնակցել անվճար: Դե սպասում ենք հավատարիմ հեքիաթասերներին :)
Հեքիաթ-ներկայացումը նախատեսված է 2-10 տարեկան երեխաների համար իրենց ծնողների հետ միասին: Մեծահասակների համար մուտքն արժե 2000դրամ, իսկ երեխաների համար` 1000: Եթե երեխան մասնակցում է առանց ծնողի, մուտքը 2000դրամ է: