Ինչպե՞ս դիմել ՀՀ Կառավարության գաղափարների մրցույթին

Հաճախ կատակում ենք, որ բոլոր նրանք, ովքեր գիտեն պետական կառավարման ամենաարդյունավետ մեթոդներն, արդեն զբաղված են և աշխատում են այլ ոլորտներում:«Ա՜յ եթե ես լինեի որոշողը…»
ՀՀ Կառավարությունը ՄԱԿ-ի Զարգացման ծրագրի աջակցությամբ հայտարարել է գաղափարների մրցույթ՝ Բաց կառավարման գործընկերության գործողությունների նոր` երրորդ ծրագիրը համալրելու նպատակով:
Առաջնահերթ պահանջ է, որ Ձեր առաջարկած գործողությունը/նախաձեռնությունը համապատասխանի բաց կառավարման հետևյալ չորս սկզբունքներից առնվազն մեկին՝ թափանցիկություն, hաշվետվողականություն, մասնակցություն, տեխնոլոգիա և նորարարություն:
Ապրիլի 25-ին հրավիրում ենք մրցույթին վերաբերող «հարց ու պատասխան» ձևաչափի հանդիպմանը: Հանդիպմանը կպատմենք, թե ինչպես կարող եք ՁԵՐ գաղափարները ներկայացնել մրցույթին, ինչպիսի գաղափարներ է կարելի ներկայացնել և ինչ ընթացք կստանան ՁԵՐ առաջարկությունները: