Հուշ-երեկո՝ նվիրված Անդրանիկ Մարգարյանի 65-րդ տարեդարձին
Այլ
Հունիսի 10-ին` ժամը 19:00-ին, «Նարեկացի» արվեստի միությունում տեղի կունենա հուշ-երեկո՝ նվիրված Անդրանիկ Մարգարյանի 65-րդ տարեդարձին:
Արդեն 10 տարի է, ինչ «Նարեկացի» արվեստի միությունը և Անդրանիկ Մարգարյանի ընկերները համատեղ իրականացնում են հուշ-երեկոն:
Միջոցառման ընթացքում իրենց հիշողություններով են կիսվում Անդրանիկ Մարգարյանի ընկերները, մտերիմներն ու հարազատները:
Միջոցառմանը ներկա են լինում Անդրանիկ Մարգարյանի ընտանիքի անդամները, ՀՀ նախագահի ներկայացուցիչ(ներ), արվեստի գործիչներ, նրա ղեկավարած կառավարությունների ներկայացուցիչներ, ընկերներ, տարբեր լրատվամիջոցների ներկայացուցիչներ:
Երեկոյի ընթացքում հանդես կգա «Նարեկացի» արվեստի միության «Նովա» մանկական անսամբլը հետևյալ ծրագրով՝ «Թագվորի՛ մեր», «Սարի Լալա», «Տրապիզոնցիների պար», «Լեբլեբիջի», «Ծաղկեփունջ», «Արևելյան պար», «Ծաղկած բալենի», «Գետաշեն», «Նաիրուհի», «Կոչ Վասպուրականի», «Զարթնի՛ր լաո»:
Մուտքն ազատ է:
