Ամառային Ճամբար Հանքավանում՝ Անգլերեն, Երգ ու Պար, Արվեստ, Լող, Ֆուտբոլ....

Հաճելի նորություն 8-15 տարեկան երեխաների և նրանց ծնողների համար: Մենք կազմակերպում ենք ձեր երեխայի առողջ և անհոգ հանգիստը՝ համեմելով դրանք նոր գիտելիքներով և պարգևելով մանկական անմոռանալի օրեր:
"Mystery of Summer"-ը մշակել է ուսուցման ծրագիր, որը կանցկացվի գեղատեսիլ Հանքավանում։ Ճամբարը հագեցած է բոլոր անհրաժեշտ ռեսուրսներով, որոնք երաշխավորում են երեխայի լիարժեք հանգիստը: Այստեղ գործում են բացօթյա լողավազան, երկու ֆուտբոլի դաշտ, բասկետբոլի, վոլեյբոլի, մինի ֆուտբոլի, սեղանի թենիսի, բիլիարդի խաղահրապարակներ: Տարածքում գործում է նաև ժամանակակից բոլոր պահանջներին համապատասխանող բացօթյա կինոթատրոն:
Ճամբարը գտնվում է խիստ հսկողության տակ՝ կողմնակի անձանց մուտքը արգելելու և երեխայի լիակատար անվտանգությունն ապահովելու համար: Աչալուրջ և բարեխիղճ մասնագետների հսկողությամբ այն միշտ մաքուր է և խնամված, ինչը է'լ ավելի հաճելի է դարձնում երեխայի խաղն ու ժամանցը:
Հուլիսի 3-ից մեկնարկելով "Mystery of Summer" ճամբարային ծրագիրը` նպատակ ունենք ապահովելու երեխայի ոչ միայն ակտիվ և առողջ հանգիստը, այլ նաև այս ամենը հագեցնել նորանոր գիտելիքներով:
Մեր ծրագիրը ներառում է.
1. Ամենօրյա անգլերեն լեզվի դասընթացներ՝ AUA library-ի ներկայացուցիչ և British Council-ի կողմից արտոնագրված մասնագետի կողմից
2. Ազգագրական պարերի ուսուցում
3. Արվեստ՝ նկարչություն և կավագործություն
4. Ինտելեկտուալ և տրամաբանական խաղեր
5. Սպորտ՝ ֆուտբոլ, բասկետբոլ, լող և այլ սպորտային խաղեր
6. Մուլտֆիլմերի և ֆիլմերի դիտումներ և քննարկումներ՝ անգլերեն լեզվով
7. Արշավներ՝ դեպի հետաքրքիր և տեսարժան վայրեր
8. Կինոդիտումներ, որոնք կօգնեն երեխային զարգացնել ինտելեկտը, ձևավորել աշխարհահայացք, կծանոթացնեն նոր ֆիլմերի, ինչպես նաև՝ հայտնի կինոռեժիսորների աշխատանքներին:
Երեխաները կստանան երեքանգամյա սնունդ, որը պատրաստվում է հմուտ խոհարարների կողմից՝ էկոլոգիապես մաքուր և միայն հայրենական արտադրության մթերքներով:
Ճամբարի գերխնդիրներից է երեխայի առողջությունն ու հիգիենան, ինչն էլ իրականացվում է աչալուրջ և խնամքով ընտրված մասնագտների կողմից` հաշվի առնելով նրանց պրոֆեսիոնալիզմն ու մարդկային որակները:
Այս ծրագրի արդյունքում երեխաները կանցկացնեն ակտիվ հաճելի ժամանց, բնության գրկում կվայելեն արձակուրդները, էապես կբարելավեն իրենց գիտելիքները, կտիրապետեն անգլերենին, իրենց մեջ կամրապնդեն ազգային ոգին, կսովորեն ու կծանոթանան հայ ազգային պարերին, կզարգացնեն ստեղծագործելու, մտածելու և նորը ստեղծելու ունակությունները, կազատվեն նոր մարդկանց հետ շփվելու և ծանոթանալու բարդույթից, ինքնուրույն կհաստատվեն որպես անհատ, ձեռք կբերեն նոր ընկերներ և, որ ամենակարևորն է, կամբարեն իրենց մեջ հիշողություններ` ողջ կյանքի համար:
Ճամբարի մեկնարկը - հուլիսի 3
Կգործի մինչև - օգոստոսի 19
Երեխաների տարիքը - 8-15 տարեկան
Հոսքի տևողությունը - 10 և ավելի օր:
Ճամբարի մասնակցության օրական արժեքը կազմում է 13000 դրամ, որն իր մեջ ներառում է ուսուցում, կացարան, երեքանգամյա սնունդ, արշավներ, տրանսպորտային ծախսեր:
10-ից ավելի օրերի դեպքում կգործի զեղչային համակարգ, զեղչեր կգործեն նաև մեկ ընտանիքից երկու կամ ավելի երեխաների մասնակցության դեպքում: