Վարպետաց դաս և հանդիպում Վաղարշակ Օհանյանի հետ
15 տարեկանից բարձր բոլոր վոկալիստների համար եզակի հնարավորություն «Նարեկացի» արվեստի միության կողմից:
Օգոստոսի 2-ին՝ ժամը 19:00-ին, ՆԱՄ-ում տեղի կունենա «Երգիչների միջազգային ասոցիացիա»-ի ԱՄՆ-ի մասնաճուղի ղեկավար, ԱՄՆ-ի ազգային երգչախմբի խմբավար, ամերիկահայ մանկավարժ պրոֆեսոր Վաղարշակ Օհանյանի վոկալ արվեստի վարպետաց դասը:
Պարոն Օհանյանը դասավանդում է Նյու-Յորքի պրոֆեսիոնալ կատարողական արվեստի դպրոցում, հանդես է եկել Նյու-Յորք Սիթի օպերայում՝ իբրև մեներգիչ, ինչպես նաև Լինկոլն կենտրոնի ամերիկյան սիմֆոնիկի, Բոստոնի և Ռոդ-Այլընդ նվագախմբերի հետ:
Պրոֆեսոր Օհանյանը վերջերս պարգևատրվել է «Գրիգոր Նարեկացի» հուշամեդալով՝ արվեստում կատարած զգալի աշխատանքի համար:
Վարպետաց դասին մասնակցելու համար անհրաժեշտ է պատրաստած ունենալ 2 ստեղծագործություն (դասական կամ մյուզիքլային` օրիգինալ տոնայնությամբ, անգիր), մինչև հուլիսի 15-ը ներկայանալ «Նարեկացի» արվեստի միություն՝ Վարդանանց 16/1 հասցեով, լրացնել դիմում-հայտը, որին կից ներկայացնել ինքնակենսագրություն, մինչև 5 րոպեանոց ձայնագրություն (պարտադիր չէ բարձր որակի) և պատրաստած ստեղծագործությունների 2 տպագիր օրինակ:
Վարպետաց դասը լուսանկարվելու և նկարահանվելու է լուսաբանման նպատակով:
Բաց մի՛ թողեք մասնագիտական ինքնազարգացման այս լավ հնարավորությունը:
Մուտքն ազատ է: