Կիրակի պարում ենք Կիզոմբա

Սիրով հրավիրում ենք շոգած ու ծարաված Երևանին կիրակի երեկոյան պարելու Կիզոմբա` լի ամառային տրամադրությամբ, հավեսով ու անգոլական ոգով:
Երևանում արդեն ձևավորվել է Կիզոմբա համայնք, որի ակտիվ անդամներն են մասնագիտությամբ իրավաբան Գևորգը և օկուպացիոն թերապիսթ Արաքսը: Հենց այս համայնքի հետ պարբերական հանդիպումների ժամանակ էլ որոշեցինք միասին նման մի պարային երեկո կազմակերպել: Գևորգն ու Արաքսը պարում են արդեն մոտ մեկ տարի և աշակերտել են Կրիստոֆեր Մենցակի և Մոնիկա Կոնդեի մոտ:
Պարելու են բոլոր ցանկացողները և բոլորին սովորեցնելու/օգնելու են Գևորգն ու Արաքսը: Լինելու է շատ ուրախ և մենք մասնակիցներին հյուրասիրելու ենք Պլատոնական Կիզոմբա թարմ և զովացնող լիմոնադը: