Ամառային դեբյուտ

Ժան Պոլ Էքզիստենցիալ Սրճարանը օգոստոսի 2-ին, 19.00-ին հրավիրում է Մանան Գարուկյանի աշխատանքների ցուցահանդեսին:
Մասնագիտությամբ ջութակահարուհի Մանան Գարուկյանը , լինելով արվեստագետի ընտանիքից (նա գեղանկարիչ Հենրիկ Գարուկյանի դուստրն է), բարձր արվեստից սերտել է այն ամենն, ինչ այսօր զարմանալիորեն անդրադարձել է նրա կյանքի վրա:
Վերջին մի քանի ամսում սկսել է նկարել ու բացահայտել ,որ կարող է ինքնարտահայտվել նաև գեղանկարչության միջոցով:
Ժան Պոլ Էքզիստենցիալ Սրճարանում ներկայացվելու են Մանան Գարուկյանի ինքնատիպ նկարները՝ ապակե ափսեների և կերամիկայի վրա:
Մանան Գարուկյանը նաև կտավի վրա ՝ յուղաներկով հետաքրքիր աշխատանքներ ունի, որոնք , սակայն, դեռ վաղ է համարում ներկայացնել հանրության դատին:
Նշենք, որ Մանան Գարուկյանն աշխատել է բազմաթիվ նվագախմբերում ու կամերային անսամբլներում. «Նոր Կվինտետ» և «Օրանժ ռետրո» բենդ խմբերի hիմնադիրն է,որոնք գործում են մինչ օրս: 2002 թվականին հիմնադրել է «Նոտա» մշակութային-բարեգործական ՀԿ-ն,որը ծառայում է հաշմանդամ,թոշակառու երաժիշտների հիմնախնդիրների լուծմանը:
Համերգներով ելույթներ է ունեցել ՀՀ մարզերում եվ արտերկրում՝ ԱՄՆ,Կանադա,Ֆրանսիա: