«Հսկան, ով երազում էր ջութակ նվագել» մանկական գրքի շնորհանդես

Սեպտեմբերի 22-ին ժամը 17։30-ին Արա Սարգսյանի և Հակոբ Կոջոյանի տուն-թանգարանում (Պուշկինի 70 (սուրբ Զորավար եկեղեցու բակում )) տեղի կունենա «Հսկան, ով երազում էր ջութակ նվագել» մանկական գրքի շնորհանդեսը: Այս գրքի հեղինակն է Նարինե Աբգարյանը: Գիրքը պատմում է մի հսկայի մասին, ով մյուս հսկաներից ոչնչով չէր տարբերվում։ Սովորական հսկաների պես նա էլ էր ծառեր արմատախիլ անում,
սարեր շուռ տալիս ու շենքեր քանդում:
Սակայն հսկան ուներ մի փոքրիկ թուլություն․ նա սիրում էր երաժշտություն։ Երաժշտությունը հիշեցնում էր հսկային տատիկի մասին, թե ինչպես էր ձմռան երեկոներին տատիկն նրա համար հսկայական հեքիաթներ պատմում, երգեր երգում: Եվ ահա սկսվում են հսկայի արկածները։
Մենք առաջարկում ենք միանալ հսկային, լսել նրա պատմությունը և, իհարկե, նվագել նրա հետ :)
Շնորհանդեսին ներկա կլինի նաև հեղինակը՝ Նարինե Աբգարյանը։ Սա սպասված հանդիպում է Նարինեի հետ։ Նա կպատմի գրքի մասին, կներկայացնի իր «հսկային» և կպատասխանի փոքրիկների հարցերին։
Որտեղ՝ Արա Սարգսյանի և Հակոբ Կոջոյանի տուն-թանգարան՝ Պուշկինի 70 (սուրբ Զորավար եկեղեցու բակում)
Մուտքը անվճար է։ Համեցե՛ք