Ֆիլմի ցուցադրություն ՆԱՄ-ում

Հոկտեմբերի 19-ին՝ ժամը 19:00-ին, «Նարեկացի» արվեստի միությունում տեղի կունենա «Պատմություն վերամարմնավորման մասին» ֆիլմի ցուցադրությունը:
Ֆիլմի ցուցադրությունից առաջ Տատյանա Չումակը, Ռուզաննա Բաբայանը և Էմմա Օգանեսովան կխոսեն ֆիլմի խորհրդի, բովանդակության և գաղափարի մասին:
Ֆիլմն արտադրված է «Բրահմա Կումարիս» համաշխարհային հոգևոր համալսարանի կողմից:
Այն պատմում է մարդու վերամարմնավորման, ապրած կյանքերի և դրանց ազդեցությունների մասին:
«Բրահմա Կումարիս» համալսարանը հիմնադրվել է Հնդկաստանում 1937 թվականին: Կենտրոնական շտաբը գտնվում է Ռաջաստան նահանգի Մաունտ Աբու քաղաքում: Այսօր արդեն համալսարան ունի 9000 ներկայացուցչություն աշխարհի 150 երկրներում:
Մուտքն ազատ է: