Քաղցր արկածային քվեստ Helloween-ի թեմայով

Հոկտեմբերի 30-ին՝ կիրակի, ՏաՏայում երեխաների հետ միասին HALLOWEEN ենք տոնելու՝ ոչ թե միմյանց վախեցնելու, այլ տոնի խորհրդանիշների շուրջ ուրախ ու քաղցր արկած ապահովելու համար: Անցած տարի առիթ ունեինք հյուրընկալել Քեթիին՝ տոնի հայրենիք ԱՄՆ-ից, ով մեծ փորձ է փոխանցել մեզ, եւ պատրաստ ենք այս անգամ էլ պահել նույն ուրախ ոգին:
Տոնական այս միջոցառումը խոստանում է իսկական արկած դառնալ երեխաների համար, ովքեր պիտի պատրաստ լինեն տրամաբանել, միասին համագործակցել, միտքն ու մարմինը աշխատեցնել, որպեսզի կարողանան միասին հաղթահարել քվեստի տարբեր փուլերն ու հաղթել չար ուժերին: Հաղթանակը ամեն դեպքում կայանալու է, բայց մասնակիցներից է կախված, թե որքան արագ ու հեշտությամբ: Փորձությունների ընթացքում մի շարք քաղցր անակնկալներ են սպասվում:
Մասնակցել կարող են բոլոր ցանկացող երեխաները եւ անգամ իրենց ուղեկցող մեծերը: Մեր խորհուրդը տարիքի հետ կապված` 5 տարեկան եւ բարձրն է, բայց կան ավելի փոքրներ, ովքեր տոնական "վախերը" տարբերում են եւ պատրաստ են հաճույքով մասնակցել. մայրիկներն այս հարցում ավելի լավ կկողմնորոշվեն, քանի որ լավ են ճանաչում իրենց երեխաներին:
Շատ կարեւոր նախապայման է տոնական, որքան հնարավոր է «վախեցնող» կերպար դառնալը` հագուստով, աքսեսուարներով, դիմաներկով կամ որեւէ այլ հնարքով: Մենք ինքերս տեղում պատրաստ ենք շտկել դեմքի գույները, բայց հագուստներով օգնել չենք կարող, մտածեք պարզ, բայց յուրահատուկ բաներ:
Մասնակցությունը վճարովի է, յուրաքանչյուր մեծի կամ փոքրի համար 3000դրամ, նույն ընտանիքի երկու մասնակիցների համար՝ 5000դրամ: Նախնական գրանցումը պարտադիր է:
Պատրա՞ստ եք վախեցնել չար ուժերին :)