Շնորհանդես. «Փոխադրումներ դաշնամուրային տրիոյի համար»

Սիրով հրավիրում ենք Արամ Խաչատրյանի հայտնի ստեղծագործությունների դաշնամուրային տրիոյի համար փոխադրումների նոտաների ժողովածուի շնորհանդեսին, որը տեղի կունենա նոյեմբերի 9-ին` ժամը 18:00-ին Արամ Խաչատրյանի տուն-թանգարանում:
Համերգային մասում կհնչեն այդ փոխադրումները միջազգային ճանաչում ունեցող Խաչատրյան Տրիոյի երաժիշտների կատարմամբ՝ Արմինե Գրիգորյան/դաշնամուր/, Կարեն Շահգալդյան /ջութակ/, Կարեն Քոչարյան /թավջութակ/:
Փոխադրումները կատարվել են Ավետիք Պիվազյանի և Ռուբեն Ասատրյանի կողմից: Հեղինակները հարազատ են մնացել բնագրերի խաչատրյանական նրբերանգներին և գեղարվեստական յուրահատկություններին: Ժողովածուն հրատարակվել է «Կոմիտաս» հրատարակչությունում:
Մուտքն ազատ է: