Հայ-կորեական միջազգային գիտաժողով

«Հայաստանի և Կորեայի միջև փոխըմբռնման և մշակութային համագործակցության նոր հնարավորություններ»
Հայ-կորեական միջազգային գիտաժողով
Հոկտեմբերի 31, 2016թ.` երկուշաբթի
ժամը՝ 11:00-18:00
Վայրը` Կովկասի ինստիտուտ՝ ք. Երևան, Չարենցի 31/4
Աշխատանքային լեզուները` կորեերեն և հայերեն (կտրամադրվի հետևողական թարգմանություն)
Հոկտեմբերի 31-ին՝ ժամը 11:00-ին, Կովկասի ինստիտուտը՝ Սլավոնա-եվրասիական հետազոտությունների կորեական կենտրոնի (KASEUS) և Կորեայի հիմնադրամի (KF) հետ համատեղ, կանցկացնի Հայ-կորեական միջազգային գիտաժողով՝ նվիրված Հայաստանի և Կորեայի միջև համագործակցության առանձնահատկություններին: Գիտաժողովի հիմնական թեմաներն են՝ Հայաստանի և Կորեայի միջև աշխարհաքաղաքական անալոգիան, երկկողմանի հարաբերությունների արդի քաղաքական իրավիճակը և ապագա հեռանկարները, հրապարակային դիվանագիտությունը և մշակութային համագործակցությունը և այլն: Զեկույցներով հանդես կգան Սլավոնա-եվրասիական հետազոտությունների կորեական կենտրոնի նախագահ Հոնգ Վան Սուկը, Հանյանգի համալսարանի պրոֆեսորներ Ջանգ Սե Ջինը և Պարկ Յանգ Իյունը, Կովկասի ինստիտուտի տնօրեն Ալեքսանդր Իսկանդարյանը, Հայաստանի Հանրային ռադիոյի տնօրենի խորհրդական Մարկ Գրիգորյանը, Վ. Բրյուսովի անվան համալսարանի դասախոս Շուշան Խատայանը: