«Ազատության երգիչ»

Սիրով հրավիրում ենք Ձեզ ներկա գտնվելու ՀԲԸՄ Հայաստանի սկաուտական խմբի կողմից կազմակերպած` <<Ազատության երգիչ>> Միքայել Նալբանդյանին նվիրված միջոցառմանը, որը տեղի կունենա նոյեմբերի 5-ին՝ ժամը 19:00, Արաբկիրի հայորդյաց տանը։
Այդ օրը հիշելու ենք հայ մեծանուն բանաստեղծ, ազատության երգիչ Միքայել Նալբանդյանին: Որպես միջոցառման նպատակ որդեգրել ենք ոչ միայն Նալբանդյանին ևս մեկ անգամ մեծարելը, այլև մեր ժամանակակիցներին հորդորել վերընթերցել և ավելի «մոտիկից ճանաչել» Նալբանդյան բանաստեղծին` յուրաքանչյուրն իր մեջ կերտելով բանաստեղծի կերպարը:
Մեր խումբը հանձն է առել ներկայացնել Նալբանդյանին որպես թե' ազատության երգիչ, թե' հոգու բանաստեղծ, թե' գիտության ճանապարհով քայլող մարդ, թե' ազգասեր և հայրենասեր հայ:
Բավական երկար ժամանակ համախմբվելով մեկ գաղափարի շուրջ՝ ունենք համեստ նպատակ` մեր ներդրումը ունենալու կիրթ, ընթերցող և զարգացած հասարակություն ձևավորելու գործում:
Սիրով կսպասենք բոլորին։
Մուտքն ազատ է: