Ինչպես խուսափել մեդիա մանիպուլյացիայից. մեդիա ուղերձի ապակոդավոր

Նոյեմբերի 8-ին՝ ժամը 19:30-ին, Էօնը հրավիրում է մասնակցելու «Ինչպես խուսափել մեդիա մանիպուլյացիայից. մեդիա ուղերձի ապակոդավորում» գործնական դասընթացին:
Դասընթացը մասնակիցներին գործնական գիտելիք կտա տեքստի վերլուծության և հոդվածի կառուցվածքի մասին՝ հասկանալու, թե ով է ստեղծել մեդիա ուղերձը և ում համար է այն նախատեսված, ինչու են նյութում օգտագործվել կոնկրետ բառերն ու արտահայտությունները, լուսանկարները կամ տեսանյութը: Կօգնի սովորել բացահայտել հոդվածի թաքնված նշանակությունը:
Դասընթացի մասնակիցները ձեռք կբերեն որոշակի հմտություններ՝ քննադատաբար մտածելու, հոդվածների նախատեսած ուղերձները ճիշտ ընկալելու, հոդվածում օգտագործված բառերի, արտահայտությունների, տերմինների, լուսանկարների և տեսանյութերի մտադրությունը հասկանալու համար:
Դասընթացի ընթացքում մասնակիցներն ինքնուրույն կապակոդավորեն մեդիա դաշտի հոդվածների ուղերձներն ու թաքնված նշանակությունը:
Մասնակցելու համար անհրաժեշտ է՝ սուր աչք ու միտք:
Դասընթացի լեզուն հայերենն է:
Դասընթացը կվարեն Մեդիա նախաձեռնությունների կենտրոնի Media.am կայքի գլխավոր խմբագիր Գեղամ Վարդանյանը և լրագրող Աննա Բարսեղյանը:
Մուտքը՝ 1000 դրամ (ներառյալ թեյ, սուրճ, քաղցրավենիք):