Ժամանակակից արվեստ․ Land Art

Դեկտեմբերի 14-ին՝ ժամը 19։00-ին, #LOFT-ում տեղի կունենա ժամանակակից արվեստին նվիրված «Ասիմետրիկ նմանություններ» դասախոսությունների շարքի չորրորդ հանդիպումը` «Land Art» խորագրով։
Շարքը նվիրված է ժամանակակից արվեստը կերտող ամենանշանակալից արվեստագետներին և արվեստային իրադարձություններին։ Թեմաները ներառելու են այսօրվա արվեստային ամենատարածված և նշանակալից տեսակները և ուղղություները՝ կոնցեպտուալիզմ, մինիմալիզմ, վիդեո-արտ, ռեդիմեյդ, ինստալացիա, փերֆորմանս, հեփենինգ, բոդի-արտ, լենդ-արտ, իվենթներ և այլն։
Դասախոսությունները կվարի արվեստի քննադատ, արվեստագիտության թեկնածու Աննա Գալստյանը։
Չորրորդ դասախոսության թեման է Land Art, Հողի արվեստը։
Land Art-ի կամ Հողի արվեստի որպես ժամանակակից արվեստի շարժման կայացումը առաջացել է ավանդական թանգարանների և պատկերասրահների գոյությունը դատապարտելուց։
Հողի արվեստը ծագում է մինիմալիզմից, քանզի հաշվի է առնում այն, թե ինչպես է առարկան զբաղեցնում տարածքը, ինչպես են մարդիկ հարաբերվում գործի հետ և ինչքանով է այն պարզեցված։
Այս շարժման ուսումնասիրությունը հնարավորություն կտա մեզ ինչպես մխրճվելու հին քաղաքակրթությունների խորհրդավոր, հաճախ անբացատրելի, ու ահռելի տպավորիչ աշխատանքների պատմության մեջ, այնպես էլ ունկնդրելու ժամանակակից արվեստագետների ոչ պակաս ազդեցիկ աշխատանքների ստեղծման պատմությանը արդեն ժամանակակից կյանքի խնդիրների և պահանջների տեսանկյունից։
Մասնակցության արժեքը՝ 1800 դրամ
________________________________________________________
Ուզու՞մ եք մշտապես տեղյակ լինել #LOFT-ի միջոցառումներին, ապա ներբեռնեք LOFT-ի էլեկտրոնային քարտը պարզապես բացելով հետևյալ հղումը` loft.icard.am։ Քարտը ներբեռնելուց հետո գտեք այն Wallet (iOS) և Passwallet (Android) հավելվածներում։
ICARD