Վարպետության դաս Ալեքսանդր Ռևզինի հետ

ԱՎՐՈՐԱ նախաձեռնությունն ու AGBU Yerevan-ը կազմակերպում են 2016թ. «Ավրորա» մրցանակաբաշխության ռեժիսոր Ալեքսանդր Ռևզինի վարպետության դասը: Միջոցառումը տեղի կունենա դեկտեմբերի 10-ին, ժամը՝ 11-ին, Մելիք-Ադամյան 2/2 հասցեում՝ ՀԲԸՄ (AGBU) դահլիճում:
Սա բացառիկ հնարավորություն է համերգների կազմակերպիչների, միջոցառումներ կազմակերպող ընկերությունների, գովազդային գործակալությունների, սցենարիստների, բեմադրող ռեժիսորների և հեռուստատեսային ռեժիսորների համար՝ բազմապատկելու մասնագիտական գիտելիքները և ուղղելու իրենց հարցերը ոլորտի ամենապահանջված ներկայացուցիչներից մեկին:
Վարպետության դասը բաղկացած է լինելու տեսական և գործնական մասերից։ Գործնական մասում մասնակիցները հնարավորություն կունենան ելույթ ունենալու և ներկայացնելու իրենց աշխատանքները։
Մուտքն ազատ է, մասնակցությունն ամրագրում եք նամակի միջոցով:
Միջոցառման աշխատանքային լեզուն ռուսերենն է։