Խելացի Ազգ.Մի նախագիծ արդիական Հայաստանի համար

Միջոցառման հյուրընկալն է Արթբրիջ գրախանութ-սրճարանը:
Գրքի մասին
«Խելացի ազգ. Մի նախագիծ արդիական Հայաստանի համար» գիրքն ուսումնասիրում է այն մարտահրավերներն ու հնարավորությունները, որոնց դեմ հանդիման է Հայաստանը՝ իր պատմության այս բախտորոշ հանգրվանին: Գիրքը պարունակում է հանրային քաղաքականությանը վերաբերվող հստակ խորհուրդ-հանձնարարականներ։
Կոմիտաս հիմնարկի(Լոնդոն) կողմից հրատարակված այս գիրքը անդրադառնում է բազմաթիվ խնդիրների ` տեխնոլոգիա, արտաքին քաղաքականություն, մշակույթ, կառավարում, տարածաշրջանում Հայաստանի դերը, սփյուռք, Արցախ և այլն:
Հանրային քաղաքականության Բեյքեր հիմնարկի տնօրեն և դեսպան Էդուարդ Փ. Ջերեջյանը այն բնութագրել է որպես «Հայաստանի համար աշխարհաքաղաքական այս բախտորոշ հանգրվանին հույժ հանձնարարաված մի գիրք»:
«Հայկական ներքին և արտաքին քաղաքականության մարտահրավերների մասին կարևոր ու ժամանակին լույս տեսած գիրք » որը «տվյլաների վրա հիմնված վերլուծությունից անդին անցնելով , որոշում կայացնողներին տալիս է քաղաքականության վերաբերյալ անշրջանցելի խորհուրդ-հանձնարարականներ»:
Հեղինակի մասին
Սասուն Գրիգորյանը տեխնոլոգիայի բնագավառում հանրային քաղաքականության առաջատար մասնագետ է, հատկապես` առևտրի, վճարումների և համակարգչային ծրագրերի ոլորտներում։ Նա խորհրդատու է հանդիսացել համաշխարհային բիզնես ձեռնարկությունների, որոնք ձևափոխել են առկա բիզնես մոդելները։
Գրիգորյանը հանրային քաղաքականության ոլորտում ավելի քան քսանամյա փորձ ունի։ Նա աշխատել է Fortune 500 կարգավիճակ ունեցող չորս ընկերությունում, հանրային հարցերում խորհրդատվական աշխարհի ամենամեծ ընկերություններից մեկում, ինչպես նաև հանդիսացել է կառավարության համար քաղաքական խորհրդատու։
Գրիգորյանը եղել է բազմաթիվ արդյունաբերական ընկերությունների հոգաբարձուների խորհրդի և ընկերակցությունների անդամ։ Անցյալում նա եղել է նաև Ավստրալիայի Հայ դատի հանձնախմբի անդամ և կարճ պրակտիկա է անցել Հայաստանի ԱԳՆ-ում։
Սասուն Գրիգորյանը Քաղաքագիտության բակալավրի աստիճան ունի Մաքուարի համալսարանից և Միջազգային հարաբերությունների մագիստրոսի աստիճան Նոր Հարավային Ուելսի համալսարանից (Սիդնի, Ավստրալիա)։