Կենդանի հերոսների պուրակ
Սիրելի հայրենակիցներ, Արմեն Սարգսյանի մտահղացմամբ որոշեցինք ստեղծել արցախյան կենդանի հերոսներին նվիրված պուրակ: Մեր երկրում կենդանի հերոսներին նվիրված որևէ հուշարձան չկա: Այս մտահղացմամբ կենդանի հերոսներին ուղղված մեր երախտագիթությունն արտահայտելով կենդանի կոթողի՝ ծառերի պուրակի տեսքով, մենք ոչ միայն նրանց հարգանքի տուրք ենք մատուցում կենդանության օրոք, այլ նաև հիմք ենք դնում հերոսական արարքների նկատմամբ երախտագիտության մշակույթի նոր ուղղության:
Պուրակում կտնկվեն դեկորատիվ ու պտղատու ծառեր, ծաղիկներ, միակ կոթողը կլինի ցայտաղբյուրը: Ծառերը կխորհրդանշեն յուրաքանչյուր կյանքի վերածնունդն ու շարունակությունը՝ գաղափարային առումով, իսկ ցայտաղբյուրի ջուրը, որպես հավերժության խորհրդանիշ: Պուրակը կլինի եզակի՝ էկո սկզբունքով կառուցված:
Պուրակի բացումը նախատեսում ենք 2017 թ-ի ապրիլի 2-ին:
Բոլոր հերոսներն արժանի են խոնարհման: Շնորհակալություն նրանց խաղաղ գիշերների համար: