Կապույտ աղվեսը | հեքիաթի շնորհանդես

Հեքիաթների աշխարհը վերստին կանչում է մեր փոքրիկներին: Եկե՛ք մտովի այցելենք անտառ, որտեղ մթնշաղի կապույտ լույսով անպայման կհանդիպենք աղվեսիկին: Նրան անմիջապես կճանաչենք. չէ՞ որ աղվեսիկը կապույտ է:
Նա շրջել է հեռավոր անտառներով՝ երազելով գտնել իր կապույտ անտառը. տեսել է աշնան անձրևի կաթոցը, ձմռան ձյունե ծածկոցն ու գարնանային ծաղիկներ...
Փետրվարի 4-ին՝ ժամը 15։00-ին, միասին անցնենք տարվա եղանակային գույների միջով և աղվեսիկի հետ գտնենք նրա մանկության կապույտ անտառը… Միջոցառմանը կմասնակցի նաև Լիլիթ Ալթունյանը՝ այս հեքիաթի հեղինակն ու նկարազարդողը:
Միջոցառման հասցեն՝ Հովհաննես Թումանյանի թանգարան, Մոսկովյան փողոց, 40 շենք: