Ֆիլմ. "Այ Վեյվեյ. Երբեք Ներում Մի Խնդրիր"
ԱՅ ՎԵՅՎԵՅ. ԵՐԲԵՔ ՆԵՐՈՒՄ ՄԻ ԽՆԴՐԻՐ
Ռեժիսոր՝ Ալիսոն Քլեյման
2012թ. / 91 ր. / Վավերագրություն
Ցուցադրության համադրող՝ Movsisyan Raffi (կինոքննադատ)
Հյուր՝ արվեստագետ, արվեստի քննադատ Arman Grigoryan
Ցուցադրության ֆորմատը՝ Blu-ray
Ցուցադրության լեզուն՝ Անգլերեն (հայերեն ենթագրեր)
Առաջին լիամետրաժ ֆիլմն է միջազգային համբավի տեր չին արվեստագետ և ակտիվիստ Այ Վեյվեյի մասին: Վերջին տարիներս նա աչքի է ընկել որքան իր ուշագրավ գործերով, այնքան էլ քաղաքական մարտահրավերներով: Ֆիլմը քննում է գեղարվեստական գործունեության և հասարակական ակտիվության այս բարդ խաչաձևումը չին ժամանակակից ականավոր արվեստագետի կյանքի ու արվեստի միջոցով: Պեկինում հաստատված լրագրող և կինոռեժիսոր Ալիսոն Քլեյմանը 2008-10 թթ. Այ Վեյվեյին այցելելու աննախադեպ հնարավորություն է ստացել: Նա փաստագրել է արվեստագետի նախապատրաստական աշխատանքը թանգարանային խոշոր ցուցադրությունների համար, աձնական շփումներն ընտանիքի անդամների և ավելի ու ավելի հաճախադեպ հրապարակային բախումները Չինաստանի կառավարության հետ: Արվեստագետի դիմանկարը՝ Քլեյմանի հանգամանալի մատուցմամբ, տալիս է ժամանակակից Չինաստանի և երկրի ամենաազդեցիկ հանրային դեմքերից մեկի մանրաքնին նկարագիրը:
Մրցանակներ
Լավագույն վավերագրական պատում, Նանթաքեթի ԿՓ, ԱՄՆ, 2012, ԱՄՆ կինոքննադատների ազգային խորհրդի մրցանակ, լավագույն հինգ վավերագրություններ, ԱՄՆ, 2012, Ժյուրիի հատուկ մրցանակ, Սանդենսի ԿՓ, ԱՄՆ, 2012, Must-See, Թելուռայդի Mountainfilm փառատոն, ԱՄՆ, 2012, Ուսանողների համակրանքի մրցանակ, Հաագայի կարևոր ֆիլմերի փառատոն, Նիդերլանդներ, 2012:
*Մուտքն ազատ է։