«Մարտի 1-ն» իրականում․ ֆիլմի դիտում և քննարկում

Ընտրությունները ՀՀ ֊ում թերևս երբեք էլ միանշանակ չեն ընդունվել և միշտ էլ ուղեկցվել են ցույցերով ու բողոքներով, սակայն 2008 թ.-ի հետընտրական զարգացումները ողբերգական ավարտ ունեցան․ ՀՀ տասը քաղաքացի սպանվեց ՀՀ ուժային կառույցների անիրավաչափ գործողությունների հետևանքով։ Ավելի ողբերգական է այն հանգամանքը, որ մինչ օրս այդ ողբերգության համար պատասխանատուները չեն պատժվել, իսկ արդար ընտրության իրենց իրավունքը հարգելու պահանջով փողոց դուրս եկած ու սպանված քաղաքացիների ընտանիքները չեն կարողանում իրացրել իրենց արդար դատավարութության իրավունքը։
Չնայած այդ իրադրարձությունները ոչ վաղ անցյալում էին, սակայն հասարակությունում դեռևս միանշանակ չէ թե ինչ է տեղի ունեցել իրականում, ինչպես է անցել փաստահավաք աշխատանքները, իսկ ներկայիս երիտասարդությունը շատ մակերեսային տեղեկատություն ու պատկերացումներ ունի մարտի 1֊ին տեղի ունեցած իրադարձությունների վերաբերյալ։
«Հոդված 3» ակումբը, հաշվի առնելով վերոնշյալը և գալիք ընտրությունները, ինչպես նաև ցանկանալով ևս մեկ անգամ բարձրաձայնել ու օրակարգում պահել այս հիմնախնդիրը, կազմակերպում է «Մարտի 1֊ն իրականում» խորագրող քննարկում հանդիպում։
Ժամը՝ 14:00 կդիտնեք Տիգրան Պասկևիչյանի «Հայաստանի կորսված գարունը» ֆիլմը, որն այդ իրադարձությունների ամբողջական վավերագրումն է,
Ժամը՝ 15:00 խնդիրը կքննարկենք բանախոսների հետ․
ՍԵԴԱ ՍԱՖԱՐՅԱՆ - փաստաբան, «Մարտի 1-ի» գործով «Փաստահավաք խմբի» անդամ
ԱՌԱՔԵԼ ՍԵՄԻՐՋՅԱՆ- «Մարտի 1» հկ համակարգող, «Հայաստանի կորսված գարունը» ֆիլմի խորհրդատու
ՍԱՐԳԻՍ ՔԼՈՅԱՆ - մարտի 1-ին ոստիկանության կողմից կիրառված Չերյոմուխա 7 հատուկ միջոցի հետևանքով սպանված Գոռ Քլոյանի հայրը