«Հնչարտաբերման խանգարումներ»․ սեմինար Loft-ում

Ապրիլի 8-ին՝ ժամը 17։00-ին, հրավիրում ենք ներկա գտնվելու «Հնչարտաբերման խանգարումներ թլվատություն» թեմայով սեմինարին։
Սեմինարը կանցկացնի լոգոպեդ, հատուկ մանկավարժ Արմինե Հակոբյանը, ով կկիսվի թեմայի վերաբերյալ տեսագործնական գիտելիքներով:
ՍԵՄԻՆԱՐԻ ԾՐԱԳՐՈՒՄ՝
- Ծանոթացում
- Տեսական հատված «Հնչարտաբերման խանգարումներ» /դիսլալիա/, «Հնչունահնչութային լսողություն», «Մանր մոտորիկայի դերը խոսքային խնդիրների հաղթահարման գործում» թեմաներով:
- Գործնական վարժություններ և խաղեր քննարկվող թեմաների վերաբերյալ
- Հարց և պատասխան:
Սեմինարը կարող է հետաքրքրել ուսանող լոգոպեդներին և հնչարտաբերման խանգարումներ ունեցող նախադպրոցական, կրտսեր դպրոցական երեխաների ծնողներին: Հանդիպման նպատակն է հնչարտաբերման խանգարումներ ունեցող երեխաների ծնողներին ծանոթացնել խնդրի էությանը և առաջարկել գործնական խաղեր ու վարժություններ, որոնք կնպաստեն հնչյունային արտաբերության դժվարությունների հաղթահարմանը, հնչյունահնչութային լսողության և մանր մոտորիկայի զարգացմանը: Ուսանողները կծանոթանան հնչարտաբերման խանգարումների լոգոպեդական աշխատանքների որոշակի հմտություններին:
Մասնակցության արժեքը՝ 2000 դրամ։