Չպատմված պատմություններ. Անդրադարձ 3-րդ հարկ շարժմանը. Ամփոփում

Գաֆէսճեան արվեստի կենտրոնը նախաձեռնում է «Գարնանային դասախոսություններ» նախագծը, որի շրջանակներում ներկայացնում է «Չպատմված պատմություններ» դասախոսությունների շարքը, որն անդրադարձ է «3-րդ հարկ» արվեստային շարժմանը, վերջինիս ծագմանը, զարգացմանն ու ծավալմանը, ինչպես նաև տրոհմանը և հետևանքներին։ Մեծ հաշվով խոսքը կվերաբերի հայաստանյան ժամանակակից արվեստի պատմության որոշակի ժամանակահատվածի, ներառելով 1985-ից մինչև 1996թթ.։
Դասախոսությունները վարում է «3-րդ հարկ» արվեստային շարժման հիմնական դերակատարներից, արվեստի քննադատ Նազարեթ Կարոյանը:
Հունիսի 16, 2017
18:00, Հատուկ միջոցառումների սրահ
Վերջին հանդիպումը, որն իր մեջ կներառի նաև խմբային քննակում, կանդրադառնա հետերրորդհարկյան շրջանին, մի ժամանակահատվածի, երբ սկսեցին ի հայտ գալ և «3-րդ հարկի» արդեն «ոչնչացած մարմնի» հետ պայքարի մեջ մտնել նոր արվեստային խմբավորումներ ու դիսկուրսներ։
Քննարկմանը իրենց մասնակցությունը կբերեն ինչպես շարժման մասնակիցներ, այնպես էլ արվեստի պատմաբաններ ու քննադատներ։
Մուտքն ազատ է.