Կինոդիտում «Մոտոցիկլիստի օրագրերը»

Մայիսի 22-ին, ժամը 19:30 Թիմ Թայմ հակասրճարանում դիտելու ենք «Մոտոցիկլիստի օրագրերը» (Motorcycle Diaries) գեղարվեստական ֆիլմը:
Ֆիլմը պատմում է 1952 թվականին Էրնեստո Չե Գևարայի և նրա ընկեր Ալբերտո Գրանադոյի Լատինական Ամերիկայով ճանապարհորդության մասին: Նրանք ճանապարհորդում են հայտնի բժիշկների կերպարանքով, չնայած որ Գևարան դեռ չի ավարտել բժշկական համալսարանը, իսկ Գրանադոն քիմիկոս է:
Սկզբունքորեն սա սովորական ճանապարհային ֆիլմ է, հիմնականում բարեկամության մասին է, սովորական լատինական ամերիկացիների կյանքի մասին: Էռնեստոին այստեղ մեզ ցույց են տալիս ոչ թե որպես հեղափոխական, այլ առաջին հերթին որպես անձ, իր փորձով և ձգտումներով:
Ֆիլմի համար հիմք է հանդիսացել Չե Գևարայի «Ճամփորդություն մոտոցիկլետով» գիրքը, ինչպես նաև նրա ընկեր Ալբերտո Գրանդոյի գրառումներն ու այրի Ալեիդա Մարչից ստացված նյութերը: 80-ամյա Ալբերտո Գրանդոն հայտնվում է ֆիլմի վերջին տեսարաններից մեկում:
Ֆիլմի տևողությունը՝ 128 րոպե
Ֆիլմի լեզուն՝ ռուսերեն
Կինոդիտումից հետո տեղի կունենա քննարկում:
Մուտքավճարը՝ 1000 դրամ
(արժեքի մեջ ներառված է նաև թեյ, սուրճ, քաղցրավենիք):
Տեղերը սահմանափակ են: