Աշնանային գիշերահավասարի օրը Ճապոնիայում

Սեպտեմբերի 28-ին՝ ժամը 19:00-ին, «Նարեկացի» արվեստի միությունում տեղի կունենա «Աշնանային գիշերահավասարի օրը Ճապոնիայում» խորագիրը կրող միջոցառումը:
Միջոցառմանը կներկայացվի Ճապոնիայում սեպտեմբերի 23-ին նշվող «Աշնանային գիշերահավասար» տոնը:
Հանդիպմանը ելույթի խոսքերով կներկայանան «ՋԱՌ» ճապոնա-հայկական հարաբերությունների զարգացման ՀԿ-ի նախագահ Հասմիկ Մուրադյանը, պատմաբան Վարուժ Վրեժ Աղաջանյանը, ճապոներենի մասնագետ Ռուզան Խոջիկյանը և բանաստեղծուհի Արմենուհի Սիսյանը, ում ճապոներեն թարգմանված երկու գրքերի շնորհանդեսը 2017 թվականին անցկացվել է Ճապոնիայի Կիոտո քաղաքում:
Միջոցառումն իրականացվում է «ՋԱՌ» ճապոնա-հայկական հարաբերությունների զարգացման հասարակական կազմակերպության նախաձեռնությամբ:
Մուտքն ազատ է: