Չարենց

Արի՛ Չարենցի աշխարհ՝ մայիսի 10-ին :
Դեպի չարենցյան աշխարհ կտանի մեզ երաժշտաթատերական ներկայացումը, որի ժամանակ անվանի և սիրված դերասանների ընթերցմամբ կհնչեն Չարենցի հայտնի ու անհայտ ստեղծագործությունները: Դրանք կբացահայտեն Չարենցին՝ իր բոլոր դրսևորումներով՝ Կարսի հանդեպ ունեցած նրա ցավը, Նաիրիի տառապանքն ու խոհերը, Չարենց-հեղափոխականին, սիրահարին, ընտանիքի հորն ու ամուսնուն, բանտարկված ու ողբերգական Չարենցին: Կցուցադրվի բանաստեղծին ու իր ժամանակաշրջանին վերաբերող հազվագյուտ քրոնիկա:
Երեկոյին մասնակցում են.
Դերասաններ` Արթուր ՈՒթմազյանը, Բաբկեն Չոբանյան, Սամվել Թոփալյանը, Սամսոն Ստեփանյանը և Մխիթար Ավետիսյանը:

Հայաստանի ազգային ֆիլհարմոնիկ նվագախումբ՝ դիրիժոր Ռուբեն Ասատրյան /ՀՀ արվեստի վաստակավոր գործիչ/
Ռեժիսոր, կոմպոզիցիայի հեղինակ՝ Արամ Սուքիասյան /ՀՀ արվեստի վաստակավոր գործիչ/