Հենց այսօրվա հայը

Պրեմիերա. հոկտեմբերի 5-ին, «Մոսկվա» կիոթատրոնի Կարմիր դահլիճում…
«Խաթաբալադա»-ի, «Մեա Կուլպա»-ի եւ այլ գործերի հեղինակ Վահրամ Սահակյանը կներկայացնի իր նորագույն «Հենց այսօրվա հայը» դրամատիկ թատերախաղը՝ ֆիլմային հատվածներով։
Ո՞վ է հենց այսօրվա՝ 2023 թվականի աշնան հայը. ո՞ւմ պատճառով են մեր ժողովրդի հետ կատարվում նման ողբերգական իրադրություններ, ո՞վ է մեղավոր այս անվերջանալի տագնապի, լարվածության, կորուստների եւ ցավերի համար։ Ինչպիսի՞ն է այսօրվա հայը՝ բարեկի՞րթ է, անգրագե՞տ է, դավաճա՞ն է, հայրենադա՞վ է, քծնո՞ղ է, ծախո՞ւ է։ Եւ ինչպե՞ս է ներկայանում մեր այսօրվա հասարակ քաղաքացին, մտավորականը, հոգեւորականը, սփյուռքահայը, ուգանդահայը, արվեստագետը, մաքսավորը…
Այս ամենը կիմանաք՝ դիտելով այս բացառիկ թատերախաղը, որում կա ցավ, թախիծ, ժպիտ, ցասում եւ այդ ամենը համեմված է էկրանին հայտնվող պոեզիայով եւ երաժշտությամբ։
Դերերում Վահրամ Սահակյան, Սերգեյ Գրիգորյան։
Ներկայացման տեւողությունը 1 ժամ 10 րոպե, ֆիլմային մասը 16 րոպե։
Մինչեւ 16 տարեկանների մուտքն արգելված է
Ներկայացման մեջ չկա որեւէ հատված կամ մանրապատում, որ երբեւէ ցուցադրված լինի։


Տոմսերի արժեքը 3000-ից 10000 դրամ