Վարդան Օվսեփյան - Սոլո

Մարտի 27-ին
Հանրաճանաչ դաշնակահար Վարդան Օվսեփյանը հայրենիքում առաջին անգամ ելույթ կունենա երկար սպասված մենահամերգով:
ՎԱՐԴԱՆ ՕՎՍԵՓՅԱՆ
Տոմսերի արժեքը՝ 5000-15 000 դրամ։

Կենսագրություն

Վարդան Օվսեփյանը հայազգի դաշնակար և կոմպոզիտոր է։ Նա բարձրագույն կրթություն է ստացել Երևանի Կոմիտասի անվան պետական կոնսերվատորիայում, Էստոնիայի երաժշտության ակադեմիայում, Հելսինկիի ջազի կոնսերվատորիայում և Բերկլիի երաժշտության քոլեջում։
Վաղ տարիքից նա հրապուրված է եղել արևմտյան դասական երաժշտության և ջազի համադրումներով և մշտապես յուրատիպ ուղիներ փնտրել իր ստեղծագործություններում ու իմպրովիզներում երաժշտական այդ խաչասերումները ներառելու համար։ Արդյունքում՝ 2005 թ․ ձևավորվել է «VOCE» ոչ փոքր կամերային անսամբլը, որը կենտրոնացած է երաժշտական պատմվածքի կինեմատոգրաֆիական մոտեցումների վրա։
Երկար տարիների ընթացքում Վ․ Օվսեփյանը նաև զարգացրել է ուշագրավ անկյունային երկրաչափական աշխարհ՝ կապված շախմատում իր փորձառության և
մինիմալիզմի ու ժամանակակից ճարտարապետության հանդեպ ունեցած իր հետաքրքրվածության հետ, ինչը հանգեցրել է երկու գրքերի հրատարակմանը՝ «Հայելային վարժություններ» («Mirror Exercises», 2011) և «Պերմուտացիոն ուսումնասիրություններ» («Permutation Studies», 2020)։
Մեկ այլ կարևոր իրողություն է Տատյանա Պառայի հետ «Ֆրակտալ սահման» («Fractal Limit») դուետի ստեղծումը, որը միջազգային լայն ճանաչում է ձեռք բերել։ Այդ նախագիծն ի ցույց է դնում Վարդանի ուշագրավ տեխնիկական վարպետությունը և բազմաձայն հյուսվածքներ կերտելու հմտությունը։ Բացի «VOCE»-ից և «Fractal Limit»-ից՝ Օվսեփյանը համագործակցել է այնպիսի արտիստների հետ, ինչպիսիք են Միք Գուդրիքը, Փիթեր Էրսքինը, Ջերի Բերգոնզին, Թիմ Միլլերը, Բեն Մոնդերը, Դեյվիդ Բիննին և թողարկել է 20-ից ավելի ալբոմ, այդ թվում՝ նաև որպես առաջատար կատարող։
Վերջին շրջանի պարգևներից են «Fractal Limit»-ին շնորհված առաջին մրցանակը
«Achava Jazz Award»-ում (Էրֆուրտ, Գերմանիա, 2017 թ․), Կամերային երաժշտության
ամերիկյան դրամաշնորհը «Ջազային նոր ստեղծագործություններ» ծրագրի համար (Նյու Յորք, ԱՄՆ, 2017 թ․), որը ֆինանսավորվում է Դորիս Դյուք բարեգործական հիմնադրամի կողմից։
Վարդան Օվսեփյանն այժմ բնակվում է Լոս Անջելեսում և դասավանդում Կալիֆոռնիայի արվեստների ինստիտուտում (CalArts)։
«Վարդանը բերում է իր սեփական հնչյունը և բաղադրատարրերը․․․ Ես երբևէ չեմ լսել մեկ այլ երաժշտի, որը նման կլինի նրան՝ հարմոնիայի իմացության և մեղեդու ներազդեցության տեսանկյունից: Ենթադրում եմ, որ նա իսկական սենսացիա կառաջացնի»,– Փիթեր Էրսքին։
«Հնարավորություն ունենալով նվագել (և ձայնագրվել) նրա հետ՝ ես կարող եմ միայն ասել, որ նա որակական հատկանիշների մի ամբողջ բազմություն է»,– Միք Գուդրիք։
ԿՐԹՈՒԹՅՈՒՆ
1997-2000` Բերկլիի երաժշտության քոլեջ (Բոստոն, Մասաչուսեթս)
Մասնագիտացումը՝ դաշնամուրի կատարողական արվեստ
1995-1997` Հելսինկիի ջազի կոնսերվատորիա (Հելսինկի, Ֆինլանդիա)
Մասնագիտացումը՝ դաշնամուրի կատարողական արվեստ
1994-1995՝ Էստոնիայի երաժշտության ակադեմիա (Տալլին, Էստոնիա)
Ժամանակակից դասական կոմպոզիցիայի դասընթաց
1992-1994՝ Երևանի Կոմիտասի անվան պետական կոնսերվատորիա (Երևան, Հայաստան)
Մասնագիտացումը՝ դասական կոմպոզիցիա
1990-1992՝ Ռոմանոս Մելիքյանի անվան երաժշտական ուսումնարան (Երևան, Հայաստան)
Մասնագիտացումը՝ երաժշտության տեսություն
1982-1989 երաժշտական դպրոց (Երևան, Հայաստան)
Մասնագիտացումը՝ դաշնամուր և երաժշտության տեսություն

ԴԱՍԱՎԱՆԴՈՒՄ
2022 - առ այսօր՝ Կալիֆոռնիայի արվեստների ինստիտուտ (Լոս Անջելես, Կալիֆոռնիա, ԱՄՆ)
Կոմպոզիցիա, իմպրովիզացիա, հարմոնիա, անսամբլ
2023, մայիս՝ Լոս Անջելեսի Կալիֆոռնիայի համալսարան (UCLA)
Կոմպոզիցիայի վարպետության դաս
2023, մայիս՝ Կալիֆոռնիայի պետական պոլիտեխնիկական համալսարան (Cal Poly Pomona, Պոմոնա, Կալիֆոռնիա, ԱՄՆ)
Կոմպոզիցիայի և իմպրովիզացիայի վարպետության դաս
2014, նոյեմբեր՝ Բերկլիի երաժշտության քոլեջ (Բոստոն, Մասաչուսեթս, ԱՄՆ)
Կոմպոզիցիայի վարպետության դաս պրոֆեսիոնալ ստեղծագործման բաժնի համար
2014, նոյեմբեր՝ Բերկլիի երաժշտության քոլեջ (Բոստոն, Մասաչուսեթս, ԱՄՆ)
«Դուետի արվեստը» թեմայով աշխատանոց վոկալ բաժնի համար
2014, նոյեմբեր՝ Ուեսթոնի Քեմբրիջի դպրոց (Ուեսթոն, Մասաչուսեթս, ԱՄՆ)
Կոմպոզիցիայի վարպետության դաս
2014, հոկտեմբեր՝ Պեկինի ժամանակակից երաժշտության ակադեմիա (Պեկին, Չինաստան)
Փոքր անսամբլի կատարողական արվեստի հմտություններ (Peter Erskine clinics), ջազ դաշնամուրի և կոմպոզիցիայի մասնավոր դասեր
2014, ամառ՝ Սաչհոնի միջազգային ջազ աշխատանոց (Հարավային Կորեա)
Դասախոսություններ «Գտնելով ձեր սեփական ձայնը» թեմայով, ջազ դաշնամուրի և կոմպոզիցիայի մասնավոր դասեր, փոքր անսամբլի կատարողական արվեստի հմտություններ
2010, աշուն՝ Սուարնաբհումիի երաժշտության ակադեմիա (Չեննայ, Հնդկաստան)
Իմպրովիզացիայի և կոմպոզիցիայի դասեր, փոքր անսամբլի կատարողական արվեստի հմտություններ
2000-2009` «The Musical Suite» երաժշտական դպրոց (Նյուբըրիփորթ, Մասաչուսեթս, ԱՄՆ)
Դասական և ջազ դաշնամուրի մասնավոր դասեր, փոքր անսամբլի կատարողական արվեստի հմտություններ
2000-2008՝ Մենի ջազ ճամբար (Ֆարմնիգտոն, Մեն, ԱՄՆ)
Իմպրովիզացիայի և տեսության դասեր, փոքր անսամբլի կատարողական արվեստի հմտություններ
2004-2008՝ Ֆեյըրբենքսի արվեստի ամառային փառատոն (Ֆեյըրբենքս, Ալյասկա, ԱՄՆ)
Ջազ դաշնամուրի կոմպոզիցիայի մասնավոր դասեր, փոքր անսամբլի կատարողական արվեստի հմտություններ
2006-07, 2007-08, 2014-15 ուսումնական տարիներ՝ Սասքուհենա համալսարան (Սելինսգրոուվ, Փենսլիլվանիա, ԱՄՆ)
Իմպրովիզացիայի և տեսության դասեր, փոքր անսամբլի կատարողական արվեստի հմտություններ
2007-08 ուսումնական տարի՝ Բաքնելլի համալսարան (Լյուիսբուրգ, Փենսիլվանիա, ԱՄՆ)
Իմպրովիզացիայի և կոմպոզիցիայի աշխատանոցներ
2006, 2007՝ Ուիլերի ջազ ճամբար (Փրովիդենս, Ռոդ Այլենդ, ԱՄՆ)
Իմպրովիզացիայի և կոմպոզիցիայի դասեր, փոքր անսամբլի կատարողական արվեստի հմտություններ
2004-05, 2005-06 ուսումնական տարիներ՝ Թաուսընի պետական համալսարան (Թաուսըն, Մերիլենդ, ԱՄՆ)
Իմպրովիզացիայի և կոմպոզիցիայի դասեր

ԱԿՆԱՐԿՆԵՐ ԵՎ ՀՈԴՎԱԾՆԵՐ
Դեյվիդ Լուրսեն, «Վարդան Օվսեփյան․ «Փարոս»» (Vardan Ovsepian: Lighthouse), expressmilwaukee.com, 2014։
Դր․ Օսկար Գրումզ, Ակնարկ «Փարոս»-ի (Lighthouse) մասին, «O’s Place Jazz Magazine», 2014։
Գրեգ Բուիում, Ակնարկ «Ակունք»-ի և «Էսքիզային ալբոմ»-ի (Sketch Book) մասին, «DownBeat Magazine», փետրվար, 2005:
Բիլ Բոթլեր, Ծանուցող հոդված «Zeitgeist» պատկերասրահում (Քեմբրիջ, Մասաչուսեթս) սպասվող մենահամերգի մասին «The Boston Globe», փետրվար, 2005:
Ռոման Ստ․ Ջեյմս, Ակնարկ «Ակունք»-ի մասին, jazzpreview.com, հունվար, 2005:
Բիլ Բոթլեր, ««Էսքիզային ալբոմ»-ի (Sketch Book) գեղեցկությունը ուշադրություն է հրավիրում դեպի տեղացի դաշնակահար Օվսեփյանը», հոդված, «The Boston Globe», մարտ, 2004:
Միթչ Հաուփերս, «Պարոն Գուդքորդը շարժվում է դեպի ստեղնաշարը», հոդված, մաս 2, «Keyboard Magazine», հունվար, 2004։
Ակնարկ «Էսքիզային ալբոմ»-ի (Sketch Book) մասին, «Cadence Building», հուլիս, 2003:
Սթիվ Ֆինի, Ակնարկ Մշակութային փոխանակման կենտրոնում (Փորթլենդ, Մեն, ԱՄՆ) 2002 թվականի նոյեմբերի 30-ին կայացած համերգի մասին, «Portland Press Herald», դեկտեմբեր, 2002։

ՄՐՑԱՆԱԿՆԵՐ ԵՎ ՃԱՆԱՉՈՒՄ
Կամերային երաժշտության ամերիկյան դրամաշնորհ «Ջազային նոր ստեղծագործություններ» ծրագրի համար, որը ֆինանսավորվում է Դորիս Դյուք բարեգործական հիմնադրամի կողմից, (Նյու Յորք, ԱՄՆ, 2017)։
«Achava Jazz Award», առաջին մրցանակ (Էրֆուրտ, Գերմանիա, 2017)։
Բերքլիի միջազգային ամբողջական շրջագայություն և ուսանողական կրթաթոշակներ (1997-2000):
Էդմանի ջազային դաշնամուրի մրցույթ, առաջին մրցանակ (համատեղությամբ, Հարթֆորդ, Կոնեկտիկուտ, ԱՄՆ,1998)։
Հայկական բարեգործական ընդհանուր միության դրամաշնորհ (1997-2000):

ՁԱՅՆԱԳՐՈՒԹՅՈՒՆՆԵՐ/ՀՐԱՊԱՐԱԿՈՒՄՆԵՐ
«Պերմուտացիոն ուսումնասիրություններ» («Permutation Studies», գիրք), հրատարակվել է 2020 թ․
«Tomorrow is Yesterday», 2020
«Triptych», 2020:
«Fractal Limit Originals» (գիրք), հրատարակվել է 2020 թ․
«Every Tomorrow», 2019
«Oneness», 2018
«Անդորր», 2018
«The Archaic Present» (դուետ Բիլիանա Վուչկովայի հետ), 2018
«In Praise of Shadows» (Փիթեր Էրսքինի նոր տրիո), 2016
«Hand in Hand» (դուետ Տատյանա Պառայի հետ), 2016
«As Autumn Departs» (դուետ Ջի Փարքի հետ), 2015
«Lighthouse» (դուետ Տատյանա Պառայի հետ), 2014
«Dreaming Paris Theme and Variations», թեմա վարիացիաներով («VOCE»), 2013
«Now» (դուետ Ջուն Լիի հետ), 2012
«Chromaticity», 2012
«Nocturnal Prophecy» (դուետ Ջոն Օ’Գալլագըրի հետ), 2011
«Joy Luck» (Փիթեր Էրսքինի նոր տրիո), 2011
«Հայելային վարժություններ» («Mirror Exercises», գիրք), հրատարակվել է 2011 թ․
«VOCE» (Վարդան Օվսեփյան կամերային անսամբլ), 2006
Ձայնագրություններ, որոնք կատարվել են «Fresh Sound, New Talent» լեյբլով (Բարսելոնա, Իսպանիա)՝
«Points North» (Վարդան Օվսեփյան կվինտետ), 2013
«Առագաստ» (Վարդան Օվսեփյան կվարտետ), 2006
«Ակունք» (Վարդան Օվսեփյան կվինտետ), 2004
«Sketch Book» (Վարդան Օվսեփյան կվինտետ), 2002
«Abandoned Wheel» (մենանվագ դաշնամուր), 2001։