«90-ականների Երևանը» գրքի շնորհանդես

Հայկ Աջապահյանի «Կախարդական Գրադարանը» գրքում Անին ու Դավիթը դպրոցի գրադարանում բացահայտում են գաղտնի սենյակը, որը նրանց տանում է անցյալ` հանդիպելու Տիգրան Մեծին: Գրքի հաջորդ մասերում նրանք հանդիպում են Կլեոպատրային ու հայտնվում են Մարս մոլորակի վրա:

Իսկ ահա նոր գրքում Անին և Դավիթը Մարս մոլորակից վերադառնալիս հայտնվում են 1991 թվականի Հայաստանում։ Նրանք պետք է սովորեն ապրել առանց այն բաների, որոնց սովոր են և գտնեն հին Երևանից վերադարձի ճանապարհը դեպի տուն:

Սակայն դա դեռ ամենը չէ։ Անցյալի ու ներկայի խաչմերուկում նրանք կհանդիպեն մի առեղծվածային չար մարդ, ով նույնպես գիտի կախարդական սենյակի մասին և կարողանում է ճամփորդել ժամանակով։ Բայց ինչո՞ւ է նա այնտեղ։ Ի՞նչ է նա փնտրում։

Սա մի պատմություն է այն մասին, թե ինչպես երբեմն պետք է հետ գնալ, որպեսզի ավելի լավ հասկանաս, թե ով ես դու, ինչու ես այստեղ և ինչն է կյանքում ամենակարևորը։

Գրքի շնորհանդեսը տեղի կունենա հունիսի 1-ին, Տիկնիկային թատրոնում, երկու սեանսով` 13:00-ին և 15:00-ին:

Տոմսի արժեքը 0 դրամ է: