Կարևորը ձանձրալի չլինի

<<Կարևորը ձանձրալի չլինի>>

Սա ներկայացում է մարդկային փոխհարաբերությունների, միայնակ մարդկանց, փողոցային լապտերների և սիրո մասին։ Պիեսը գրվել է բոլոր ժամանակների ծաղրածու Լեոնիդ Ենգիբարովի փոքրիկ պատմվածքների հիման վրա։ Սա պատմություն է, որտեղ սերը ամենուրեք է, հավերժ սիրահար ծաղրածուի սիրահարված սրտի, աշխարհը ծուռ տեսնելու և երազանքների հետևից գնալու մասին։

Պիեսում բոլոր կերպարները սիրում են և գրեթե բոլորը միայնակ են։Նրանք ապրում են նույն շենքում։ Այս իրականության լուռ վկաներն են փողոցային լապտերները, որոնք էլ մեզ հետ կիսվում են իրենց տեսած պատմություններով։ Պետք է սիրել ու չդադարել երազել, չէ որ նույնիսկ բետոնների ճաքերի արանքով վազող մրջյուններն են գնում իրենց երազանքի հետևից, էլ ուր մնաց մարդիկ։

Ենգիբարյանի կերպարները միաժամանակ և ծիծաղելի են և ողբերգական, ու մի փոքր էլ չհասկացված։Նա չէր հավատում երջանիկ ավարտին, նա հավատում էր երջանիկ ընթացքին, ինչն էլ փոխանցվում է իր կերպարների միջոցով։

Տոմսերի արժեքը՝ 2,000 դրամ



Ռեժիսոր՝ Սոնա Մարտիրոսյան

Նկարիչ՝ Գարեգին Եվանգուլյան