Andru Donalds | ENIGMA-ի Ոսկե ձայնը

ANDRU DONALDS — ENIGMA-Ի ՈՍԿԵ ՁԱՅՆԸ

Աշխարհահռչակ «ENIGMA» նախագիծը (հին հունարենից՝ «հանելուկ») երաժշտական աշխարհի եզակի երևույթներից է. ավելի քան 70 միլիոն վաճառված ալբոմ, բազմաթիվ պլատինե մրցանակներ, այդ թվում՝ «Գրեմմի»։ «ENIGMA»-ի երաժշտությունը տիեզերական հնչյունների, էթնիկ մոտիվների, ռիթմի և զգացմունքների յուրահատուկ համադրություն է, որը ստեղծել է սեփական երաժշտական ոճը՝ «Enigmatic»-ը։ Երկար տարիներ նախագիծը գոյություն ուներ բացառապես որպես ստուդիական նախագիծ, մինչև նրա նշանավոր անդամ Էնդրյու Դոնալդսը բացահայտեց դրա խորհրդավոր աշխարհը կենդանի համերգների միջոցով։

Andru Donalds-ը ճամայկացի երգիչ և երգահան է, որը համաշխարհային ճանաչում ձեռք բերեց 1995 թվականին «Mishale» հիթի շնորհիվ։ Երգը ստեղծվել էր պրոդյուսեր Էրիկ Ֆոսթեր Ուայթի հետ համագործակցությամբ և բարձրացավ համաշխարհային հիթ-շքերթների առաջատար հորիզոնականներ։

1998 թվականին «ENIGMA»-ի ստեղծող Միշել Կրետուն հրավիրեց Էնդրյուին միանալ նախագծին։ Արտիստի անկրկնելի տաղանդի և կախարդիչ ձայնի շնորհիվ «ENIGMA»-ն հնչեց նորովի։ Նրանք միասին աշխատեցին «ENIGMA»-ի 4-րդ, 5-րդ, 6-րդ և 7-րդ ալբոմների վրա՝ մինչև 2008 թվականը՝ ստեղծելով այնպիսի հայտնի ստեղծագործություններ, ինչպիսիք են «Seven Lives», «Boum-Boum», «Je T'aime», «In The Shadow, In The Light», «Modern Crusaders» և բազմաթիվ այլ երգեր։ Բացի այդ, նրանք համագործակցեցին նաև Էնդրյուի մենահամերգային ալբոմների և «Simple Obsession», «One Night Lover», «All Out Of Love» սինգլների վրա, որոնք միջազգային պլատինե կարգավիճակ ստացան։

Էնդրյուի կատարմամբ հնչել են նաև հայտնի ֆիլմերի սաունդթրեքներ՝ «Somebody's Baby»՝ «Good Will Hunting» ֆիլմից (Օսկարակիր, 1997), «And I Feel»՝ Թիլ Շվայգերի «Barfuss» («Բոբիկ») ֆիլմից (2005), ինչպես նաև «I Believe»՝ «Սավվա. Ռազմիկի սիրտը» անիմացիոն ֆիլմից (2015)։ 2025 թվականին թողարկվեց նրա նոր «Simple to Love» սինգլը, որը ստեղծվել է Մաքսիմ Ֆադեևի հետ համագործակցությամբ։

Հանդիսատեսի բազմաթիվ արձագանքները հաստատում են, որ սա բացառիկ համերգային ծրագիր է, որը հանդիսատեսին պարգևում է անմոռանալի զգացողություններ՝ Էնդրյուի հզոր էներգիայի և հմայիչ ձայնի շնորհիվ։ Առաջիկա շրջագայության ընթացքում կհնչեն «ENIGMA»-ի համաշխարհային գլուխգործոցները և Էնդրյու Դոնալդսի մենահիթերը՝ ինտերակտիվ ձևաչափով, լարային նվագախմբի և մանկական երգչախմբի ուղեկցությամբ։

Էնդրյու Դոնալդսի համար առաջիկա այցը Հայաստան առանձնահատուկ և խորապես անձնական նշանակություն ունի։ Արտիստի սրտում առանձնահատուկ ջերմություն կա այս երկրի նկատմամբ, քանի որ նրա որդու երակներում հոսում է հայկական արյուն։ Այդ պատճառով Հայաստան այցելելու հնարավորությունը նրա համար պարզապես հերթական հյուրախաղային կանգառ չէ, այլ երկար սպասված հանդիպում մի մշակույթի հետ, որը դարձել է իր ընտանիքի մի մասը։

Նոյեմբերի 21, ժամը՝ 19։00
Տոմսերի արժեքը՝ 10 000-50 000 դրամ

Կազմակերպիչ՝ OOO Билетные кассы